Gareth Bale komst í fámennan hóp í kvöld

Gareth Bale innsiglaði 3-0 sigur Wales á Rússlandi á Evrópumótinu í Frakklandi í kvöld en með þessum stórsigri tryggði velska liðið sér sigur í B-riðlinum.

Gareth Bale skoraði beint úr aukaspyrnu á móti bæði Slóvakíu og Englandi en að þessu sinni skoraði hann með utanfótarskoti eftir sendingu inn í teiginn frá Aaron Ramsey.

Gareth Bale skoraði í öllum þremur leikjum Wales í riðlakeppninni og er markahæsti leikmaður Evrópumótsins til þessa með þessi þrjú mörk.

Gareth Bale hefur oft verið í skugganum af Cristiano Ronaldo hjá Real Madrid á Spáni en það hefur verið ótrúlegur munur á frammistöðu liðsfélagana á Evrópumótinu í Frakklandi.

Hann komst líka í fámennan hóp því aðeins sex aðrir leikmenn hafa náð að skora í öllum þremur leikjum riðlakeppninnar í úrslitakeppni EM. Það er hægt að sjá þennan flotta hóp hér fyrir neðan.

Bale hefur alls átt tólf skot á markið í keppninni í Frakklandi og vantar nú aðeins þrjú til viðbótar til að jafna met Michel Platini frá EM 1984.

Gareth Bale is the 7th player to score in all 3 group stage matches at EUROs pic.twitter.com/Fp6tYCsLi2

— ESPN Stats & Info (@ESPNStatsInfo) June 20, 2016