Fjallið, Ronaldinho og Mike Tyson í mynd Van Damme

Það vantar ekki stjörnurnar í nýjustu mynd belgíska buffsins, Jean-Claude Van Damme.

Á næsta ári kemur út framhald af hinni frábæru Kickboxer sem kom út árið 1989. Nýja myndin heitir Kickboxer: Vengeance.

Á meðal aukaleikara í myndinni eru Hafþór Júlíus Björnsson, Mike Tyson og þó nokkrir UFC-bardagamenn eins og Paige van Zant.

Nú er búið að semja við brasilísku knattspyrnugoðsögnina Ronaldinho um að leika í myndinni. Hann mun leika brasilískan sérfræðing í bardagalistum sem heitir Ronaldo.

Það bíða klárlega margir spenntir eftir því að þessi veisla verði frumsýnd.