Fjárfestar, popparar, fjölmiðla-, útgáfu- og fjarskiptafyrirtæki í Panamaskjölunum

Í gær gerðu Alþjóðasamtök rannsóknarblaðamanna ICIJ stóran hluta Panamaskjalana aðgengilegan almenningi. Sett var upp notendavæn síða á slóðinni offshoreleaks.icij.org þar sem hver sem er getur flett upp í gagnabankanum þar eftir nafni eða landi.

Fjölmargar færslur tengjast Íslandi í skjölunum og nokkrir aðilar eru þar tengdir einu eða fleiri aflandsfélögum með einhverjum hætti. Áður en notendur fá aðgang til þess að róta í upplýsingunum eru þeir látnir haka við yfirlýsingu ICIJ til staðfestingar um að hér sé með engu móti verið að halda því fram að nöfn þeirra sem koma upp við leitina hafi stundað ólöglegt athæfi eins og að koma fjármunum sínum undan skatti.

Áður en upptalningin fer fram hér á eftir skal taka það fram að það sama á við hér.

Íslendingar og fyrirtæki í Panamaskjölunum

Á meðal þeirra Íslendinga og íslenskra fyrirtækja sem koma fyrir í Panamaskjölunum, birt hér í stafrófsröð, eru;

Andri Sveinsson ráðgjafi Björgólfs Thor,

Árni Björn Birgisson fasteignasali,



Bakkavararbræðurnir Lýður og Ágúst Guðmundssynir,

Birgir Már Ragnarsson ráðgjafi Björgólfs Thors,

Bjarni Benediktsson fjármálaráðherra,

Bjarni Hafþór Helgason fyrrum fjármálastjóri KEA,

Björgólfur Thor Björgólfsson,

Eggert Skúlason ritstjóri DV,

hljómsveitin Leaves,

Hannes Þór Smárason fyrrverandi forstjóri FL group,

Haukur Harðarson hjá Orku,

Hreiðar Már Sigurðsson fyrrum forstjóri Kaupþings,

Jón Ásgeir Jóhannesson hjá Baugi,

Jón Karl Ólafsson, fyrrum framkvæmdarstjóri hjá Isavia,

Karl Emil Wernersson,

Kristján Gunnar Valdimarsson lektor í skattarétti við Háskóla Íslands,

Kristján V. Vilhelmsson hluthafi Samherja,

Landsími Íslands,

Magnús Stephensen fyrrum stjórnarformaður í XL Group,

Margeir Pétursson stjórnarformaður MP banka,

Orri Hauksson forstjóri Símans,

Ólafur Ólafsson eigandi Samskipa,

Samson Group,

Sigurður Bollason viðskiptamaður,

Sigurður G. Guðjónsson lögmaður,

Sigþór Sigmarsson ráðgjafi Björgólfs Thors,

Skífan og fyrrum fjölmiðlafyrirtækið Fjölmiðlun hf.

Sævar Jónsson í Leonard og fyrrverandi landsliðsmaður í knattspyrnu og 

Þorsteinn M. Jónsson fyrrum eigandi Vífilfells.