Bjarni Benediktsson: „Landinu verður ekki stýrt af mótmælum“ Sunna Kristín Hilmarsdóttir skrifar 5. apríl 2016 22:18 Bjarni Benediktsson, fjármálaráðherra, á Bessastöðum í dag. vísir/anton brink Bjarni Benediktsson, fjármálaráðherra og formaður Sjálfstæðisflokksins, segir það augljóst að það sé eðlismunur á Wintris-máli Sigmundar Davíðs Gunnlaugssonar, forsætisráðherra sem steig til hliðar í dag, og máli hans sjálfs og máli Ólafar Nordal, innanríkisráðherra, en nöfn þeirra tveggja voru í Panama-skjölunum svokölluðu. „Þetta eru algjörlega ótengd mál og svo ég byrji nú á máli Ólafar þá er það engan veginn sambærilegt. Þar er um að ræða félag sem aldrei tók til starfa og ég tel að ég hafi fært fram fullnægjandi skýringar en er reiðubúinn til að veita frekari skýringar varðandi mín mál. Ég hef fullan stuðning innan þingflokks og í röðum sjálfstæðismanna til þess að leiða okkar þátttöku í ríkisstjórn áfram,“ segir Bjarni. Hann segir eðlismuninn á sínu máli og máli Sigmundar Davíðs augljósan. „Má ég benda á að félagið sem ég átti hlut í fór í afskráningarferli árið 2009? Er þá ekki augljóst í hverju eðlismunurinn er? Það hefur ekki verið til neitt félag, það eru engir hagsmunaárekstrar, það hefur ekki verið nein starfsemi og svo framvegis. Peningarnir sem fóru í þessa fjárfestingu skiluðu sér til baka til Íslands. Á ég að halda áfram? Ég held að þetta sé bara nokkuð ljóst.“Gerir ráð fyrir að traust til einstakra stjórnmálamanna muni mælast lítið á næstunniÞú segir að þú hafir fullan stuðning innan sjálfstæðismanna en telurðu að þú njótir trausts þjóðarinnar? „Traust þjóðarinnar til einstakra stjórnmálamanna sveiflast upp og niður og ég hef fundið mjög fyrir því. Ég geri ekki ráð fyrir því við þær aðstæður sem hafa skapast hér á undanförnum dögum að stjórnmálamenn mælist með mjög mikið traust en það er bara staða til að vinna úr. Það er vandasamt að framkvæma lýðræðið og kjósendur munu fá að gera upp á milli valkosta, fyrr en síðar, í kosningum sem verða í síðasta lagi eins og við vitum eftir eitt ár.“ Bjarni segist sjá tækifæri framundan til að koma betur til skila til þjóðarinnar verkum ríkisstjórnarinnar og stefnumálum Sjálfstæðisflokksins sem hafi skilað miklum árangri að undanförnu við að bæta lífskjör.Munu taka til skoðunar að flýta kosningumNú var krafa mótmælenda á Austurvelli í gær ekki aðeins að Sigmundur Davíð myndi víkja heldur einnig að kosið yrði á ný til Alþingis. Er það eitthvað sem þú ert tilbúinn til að skoða, að flýta kosningum? „Við munum taka það til skoðunar en við höfum ekki ákveðið neitt í þeim efnum. Landinu verður ekki stýrt af mótmælum, þessu landi verður stýrt í gegnum lýðræðislegan farveg og það er ekki hægt að stjórna landinu í gegnum túlkun á mótmælum eins og þú ert að gera.“Ég er nú bara að vísa í yfirskrift mótmælanna sem var „Kosningar strax.“ „Já, ég tók eftir því og ég heyri það að sú krafa er uppi en ég bendi líka á að við höfum kosið oft á undanförnum árum. Við kusum í þrígang á sex ára tímabili frá 2007 til 2013 og það var verulega mikil endurnýjun á Alþingi og við erum að sigla inn í kosningaár núna. Nú ætla stjórnarflokkarnir að láta reyna á það að að halda samstarfinu áfram og það er verkefni næstu daga.“ Bjarni segir að flokkarnir muni koma á framfæri þeim skilaboðum til kjósenda sem þeir vilja halda á lofti á því tímabili sem líður fram að kosningum. „Svo fellur dómur kjósenda. Þannig gerist þetta í lýðræðisþjóðfélögum.“Hefur ekki rætt við Sigmund Davíð eftir að tilkynnt var að hann stígi til hliðar Aðspurður hvernig fundur hans og Sigurðar Inga Jóhannssonar, varaformanns Framsóknarflokksins, gekk í kvöld segir Bjarni að fundurinn hafi gengið vel enda séu þeir nánir samstarfsmenn og gjörþekki málefni ríkisstjórnarinnar. „Við erum líka sammála um að það séu tímamót í stjórnarsamstarfinu, það eru nokkur mál sem eru órædd og við munum nýta tímann vel.“ Bjarni segir að þeir verði í samskiptum áfram á morgun en ekki sé búið að ákveða hvenær og hvar. Hann segir ekki um eiginlegar stjórnarmyndunarviðræður að ræða þó formlega séð fari eitt ráðuneyti frá og annað taki við. „En þetta eru sömu stjórnarflokkarnir og við þurfum að skerpa á stefnumálunum fyrir síðasta áfangann á kjörtímabilinu.“ Að sögn Bjarna byrja viðræður á þeirri stöðu sem lá fyrir í dag að Framsóknarflokkurinn fari fram á að Sigurður Ingi verði forsætisráðherra. Sjálfstæðisflokkurinn hafi ekki farið fram á að fá það ráðuneyti. Aðspurður segir Bjarni að hann og Sigmundur Davíð hafi ekki rætt saman eftir að tilkynnt var að sá síðarnefndi ætlaði að stíga til hliðar sem forsætisráðherra.En hvernig líður fjármálaráðherra eftir þennan dag?„Þetta var atburðaríkur dagur og maður verður kominn snemma í rúmið.“ Panama-skjölin Tengdar fréttir Sigmundur ekki sagt af sér heldur stigið til hliðar um óákveðinn tíma Áhersla er lögð á þetta í tölvupósti á ensku sem upplýsingafulltrúi ríkisstjórnarinnar sendi erlendum blaðamönnum í kvöld. 5. apríl 2016 21:41 Óljóst hvenær Alþingi kemur saman á ný Einar K. Guðfinnsson, forseti Alþingis, fundaði með Ólafi Ragnari Grímssyni, forseta Íslands, í dag. 5. apríl 2016 20:49 Sigurður Ingi treystir sér til þess að sefa reiði almennings Varaformaður Framsóknarflokksins treystir sér til þess að verða forsætisráðherra þrátt fyrir mótmæli almennings í dag. 5. apríl 2016 19:21 Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Glímdi við veikindi fyrir andlátið sem breyttu persónuleika hans Innlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Kynna drög að nýrri stefnu í heilbrigðismálum Innlent Raðsundlaugarkúkari gengur laus í Oulu Erlent Fleiri fréttir Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína Sjá meira
Bjarni Benediktsson, fjármálaráðherra og formaður Sjálfstæðisflokksins, segir það augljóst að það sé eðlismunur á Wintris-máli Sigmundar Davíðs Gunnlaugssonar, forsætisráðherra sem steig til hliðar í dag, og máli hans sjálfs og máli Ólafar Nordal, innanríkisráðherra, en nöfn þeirra tveggja voru í Panama-skjölunum svokölluðu. „Þetta eru algjörlega ótengd mál og svo ég byrji nú á máli Ólafar þá er það engan veginn sambærilegt. Þar er um að ræða félag sem aldrei tók til starfa og ég tel að ég hafi fært fram fullnægjandi skýringar en er reiðubúinn til að veita frekari skýringar varðandi mín mál. Ég hef fullan stuðning innan þingflokks og í röðum sjálfstæðismanna til þess að leiða okkar þátttöku í ríkisstjórn áfram,“ segir Bjarni. Hann segir eðlismuninn á sínu máli og máli Sigmundar Davíðs augljósan. „Má ég benda á að félagið sem ég átti hlut í fór í afskráningarferli árið 2009? Er þá ekki augljóst í hverju eðlismunurinn er? Það hefur ekki verið til neitt félag, það eru engir hagsmunaárekstrar, það hefur ekki verið nein starfsemi og svo framvegis. Peningarnir sem fóru í þessa fjárfestingu skiluðu sér til baka til Íslands. Á ég að halda áfram? Ég held að þetta sé bara nokkuð ljóst.“Gerir ráð fyrir að traust til einstakra stjórnmálamanna muni mælast lítið á næstunniÞú segir að þú hafir fullan stuðning innan sjálfstæðismanna en telurðu að þú njótir trausts þjóðarinnar? „Traust þjóðarinnar til einstakra stjórnmálamanna sveiflast upp og niður og ég hef fundið mjög fyrir því. Ég geri ekki ráð fyrir því við þær aðstæður sem hafa skapast hér á undanförnum dögum að stjórnmálamenn mælist með mjög mikið traust en það er bara staða til að vinna úr. Það er vandasamt að framkvæma lýðræðið og kjósendur munu fá að gera upp á milli valkosta, fyrr en síðar, í kosningum sem verða í síðasta lagi eins og við vitum eftir eitt ár.“ Bjarni segist sjá tækifæri framundan til að koma betur til skila til þjóðarinnar verkum ríkisstjórnarinnar og stefnumálum Sjálfstæðisflokksins sem hafi skilað miklum árangri að undanförnu við að bæta lífskjör.Munu taka til skoðunar að flýta kosningumNú var krafa mótmælenda á Austurvelli í gær ekki aðeins að Sigmundur Davíð myndi víkja heldur einnig að kosið yrði á ný til Alþingis. Er það eitthvað sem þú ert tilbúinn til að skoða, að flýta kosningum? „Við munum taka það til skoðunar en við höfum ekki ákveðið neitt í þeim efnum. Landinu verður ekki stýrt af mótmælum, þessu landi verður stýrt í gegnum lýðræðislegan farveg og það er ekki hægt að stjórna landinu í gegnum túlkun á mótmælum eins og þú ert að gera.“Ég er nú bara að vísa í yfirskrift mótmælanna sem var „Kosningar strax.“ „Já, ég tók eftir því og ég heyri það að sú krafa er uppi en ég bendi líka á að við höfum kosið oft á undanförnum árum. Við kusum í þrígang á sex ára tímabili frá 2007 til 2013 og það var verulega mikil endurnýjun á Alþingi og við erum að sigla inn í kosningaár núna. Nú ætla stjórnarflokkarnir að láta reyna á það að að halda samstarfinu áfram og það er verkefni næstu daga.“ Bjarni segir að flokkarnir muni koma á framfæri þeim skilaboðum til kjósenda sem þeir vilja halda á lofti á því tímabili sem líður fram að kosningum. „Svo fellur dómur kjósenda. Þannig gerist þetta í lýðræðisþjóðfélögum.“Hefur ekki rætt við Sigmund Davíð eftir að tilkynnt var að hann stígi til hliðar Aðspurður hvernig fundur hans og Sigurðar Inga Jóhannssonar, varaformanns Framsóknarflokksins, gekk í kvöld segir Bjarni að fundurinn hafi gengið vel enda séu þeir nánir samstarfsmenn og gjörþekki málefni ríkisstjórnarinnar. „Við erum líka sammála um að það séu tímamót í stjórnarsamstarfinu, það eru nokkur mál sem eru órædd og við munum nýta tímann vel.“ Bjarni segir að þeir verði í samskiptum áfram á morgun en ekki sé búið að ákveða hvenær og hvar. Hann segir ekki um eiginlegar stjórnarmyndunarviðræður að ræða þó formlega séð fari eitt ráðuneyti frá og annað taki við. „En þetta eru sömu stjórnarflokkarnir og við þurfum að skerpa á stefnumálunum fyrir síðasta áfangann á kjörtímabilinu.“ Að sögn Bjarna byrja viðræður á þeirri stöðu sem lá fyrir í dag að Framsóknarflokkurinn fari fram á að Sigurður Ingi verði forsætisráðherra. Sjálfstæðisflokkurinn hafi ekki farið fram á að fá það ráðuneyti. Aðspurður segir Bjarni að hann og Sigmundur Davíð hafi ekki rætt saman eftir að tilkynnt var að sá síðarnefndi ætlaði að stíga til hliðar sem forsætisráðherra.En hvernig líður fjármálaráðherra eftir þennan dag?„Þetta var atburðaríkur dagur og maður verður kominn snemma í rúmið.“
Panama-skjölin Tengdar fréttir Sigmundur ekki sagt af sér heldur stigið til hliðar um óákveðinn tíma Áhersla er lögð á þetta í tölvupósti á ensku sem upplýsingafulltrúi ríkisstjórnarinnar sendi erlendum blaðamönnum í kvöld. 5. apríl 2016 21:41 Óljóst hvenær Alþingi kemur saman á ný Einar K. Guðfinnsson, forseti Alþingis, fundaði með Ólafi Ragnari Grímssyni, forseta Íslands, í dag. 5. apríl 2016 20:49 Sigurður Ingi treystir sér til þess að sefa reiði almennings Varaformaður Framsóknarflokksins treystir sér til þess að verða forsætisráðherra þrátt fyrir mótmæli almennings í dag. 5. apríl 2016 19:21 Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Glímdi við veikindi fyrir andlátið sem breyttu persónuleika hans Innlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Kynna drög að nýrri stefnu í heilbrigðismálum Innlent Raðsundlaugarkúkari gengur laus í Oulu Erlent Fleiri fréttir Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína Sjá meira
Sigmundur ekki sagt af sér heldur stigið til hliðar um óákveðinn tíma Áhersla er lögð á þetta í tölvupósti á ensku sem upplýsingafulltrúi ríkisstjórnarinnar sendi erlendum blaðamönnum í kvöld. 5. apríl 2016 21:41
Óljóst hvenær Alþingi kemur saman á ný Einar K. Guðfinnsson, forseti Alþingis, fundaði með Ólafi Ragnari Grímssyni, forseta Íslands, í dag. 5. apríl 2016 20:49
Sigurður Ingi treystir sér til þess að sefa reiði almennings Varaformaður Framsóknarflokksins treystir sér til þess að verða forsætisráðherra þrátt fyrir mótmæli almennings í dag. 5. apríl 2016 19:21