Bora göt í Ikea-skeiðar og kalla íslenska hönnun Jakob Bjarnar skrifar 9. febrúar 2016 10:10 María Krista og umdeildu IKEA-skeiðarnar hans afa. Hönnunar- og framleiðslufyrirtækið Krista design hefur vakið nokkra athygli, en mismikla lukku, fyrir vöru sem kallast Skeiðin hans afa; skeiðar sem í hafa verið boruð göt, þær settar í glæsilega gjafapakkningu og seldar sem til dæmis feta-osts-skeiðar, eða skeiðar fyrir gular baunir; þar sem hentugt getur talist að skilja vökvann frá. Á Facebook vekur ung kona athygli á þessari vöru, birtir af henni mynd með svohljóðandi skilaboðum: „Fékk þessa sniðugu skeið í jólagjöf. Fetaost skeið. Íslensk hönnun. Eða reyndar IKEA skeið sem búið er að bora í – og selja sem íslenska hönnun. Hvað finnst fólki.“Sjá einnig:Framkvæmdastjóri IKEA fagnar gataskeiðunum Og mörgum finnst þetta kúnstugt. Vísir spurði Maríu Kristu Hreiðarsdóttur hjá Krista design einfaldlega hvort ekki megi heita vafasamt að kaupa skeiðar í Ikea, bora í þær göt og kalla íslenska hönnun?Hugvit frá honum afa María Krista segir að eflaust finnist einhverjum athugavert að nota IKEA-skeiðar í þessu tilfelli en „hugmyndin bak við hönnunina er þessi gamla útfærsla afa okkar á matskeiðum sem hann fann ofan í skúffu hjá ömmu á sínum tíma, ýmist gamlar silfurskeiðar eða ódýrari skeiðar sem hann boraði út fyrir allt annan tilgang, enda skeiðar væntanlega ekki hugsaðar með götum upphaflega. Pælingin hjá honum og endurútfærslan á annars venjulegri skeið er því hönnun/hugvit í sjálfu sér að okkar mati og erum við því aðeins að halda hugmyndum hans og heiðri á lofti.“Skeiðarnar hans afa njóta mikilla vinsælda þó vafi leiki á um hvort hér sé rétt að tala um íslenska hönnun.Að sögn Maríu Kristu hafa skeiðarnar hafa vakið mikla lukku, er vinsæl gjafavara. „Til dæmis fyrir matarboð og annað enda skemmtileg umræða sem spinnst út frá götunum 3 sem margir klóra sér í kollinum yfir. Það er líka skemmtilegasti parturinn af þessu. Heildarkonseptið er því: skemmtileg gjöf, endurgerð á venjulegri skeið með breyttum tilgangi með tilheyrandi vinnuframlagi og umbúðum sem og falleg saga.“Engar blekkingar í gangi María Krista bendir á að hugmyndin að baki komi skýrt fram í umbúðunum og ekki sé verið að blekkja neinn. Vörurnar frá Kristu eru margar hverjar unnar úr óhefðbundnum efnivið. „Eins og hjólbörðum sem við breytum í hitaplatta, glasamottur skornar út úr gólfdúkum og gólfflísum sem nýttar eru sem ostabakkar, það mætti því alveg eins spyrja okkur af hverju við gerum ostabakka úr flísum sem keyptar eru í byggingavöruverslun! Við framleiðum hinsvegar ekki flísar né stálskeiðar þótt við framleiðum nánast allt frá a-ö og höfum því leitað í efnivið í einhverjar af vörum okkar hjá öðrum byrgjum og í þessu tilfelli IKEA. Það mætti kannski kalla þetta eitt IKEA hack-ið sem vinsæl eru í dag en þá er varningi frá IKEA breytt á ýmsa vegu eftir höfði eiganda.“Halla hjá Hönnunarmiðstöðinni segir málið einfalt: Hér er ekki um íslenska hönnun að ræða.María Krista telur það sem sagt ekki breyta miklu hvort skeiðarnar komi frá IKEA eða öðrum „skeiðafyrirtækjum“, hugmyndin og endurgerðin er megintilgangurinn með vörunni. „Ef íslensk hönnun ætti að standa undir nafni og engin aðkeypt efni væru notuð í þá væri nú lítið framleitt hér á landi nema þá úr ull, hornum, beinum og kannski íslensku birki.“ En, getur þetta kallast íslensk hönnun? Vísir bar þetta tiltekna dæmi undir Höllu Helgadóttur framkvæmdastjóra Hönnunarmiðstöðvar Íslands og hún telur það ákaflega vafasamt.Vafasamt að tala um íslenska hönnun „Það er einfalt - þetta er ekki hönnun þau eru bara að búa eitthvað til sem er bara fínt. Fólk ruglar mjög mikið með hönnunarhugtakið. Til að vera hönnuður er ekki nóg að ákveða bara að maður sé hönnuður og búa eitthvað til (oftast eitthvað sem einhver annar er löngu búinn að gera) samanber alla plexigler-kertastjaka sem verið er er að selja.“Gataðar skeiðar hafa lengi verið þekktar og hér má til dæmis sjá mote-skeiðina.„Langflestir hönnuður hafa að minnsta kosti 4 ára háskólanám að baki. Það eru til ómenntaðir einstaklingar sem geta talist hönnuðir en þeir eru undantekning. Mig grunar að fólki í þessu fyrirtæki hafi aldrei lært neitt í hönnun,“ segir Halla og skefur ekki utan af því. Þá má og benda á að skeiðar með götum, sem þjóna margvíslegum tilgangi, hafa lengi verið þekktar. Hér má til dæmis nefna Mote-skeiðina sem notuð er til að skilja að telauf og drykkinn sjálfan og þannig má lengi telja. Höfundaréttur IKEA Tíska og hönnun Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Pallborðið: Stungið höfðinu í sandinn í tuttugu ár Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent Kröfur kvennaárs komnar í innheimtu og gjalddaginn fallinn Innlent Annað safn rænt í Frakklandi um helgina Erlent Engin lausn og ákveðin sjálfsblekking að banna börnum að nota tölvuleiki Innlent Fleiri fréttir Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Sjá meira
Hönnunar- og framleiðslufyrirtækið Krista design hefur vakið nokkra athygli, en mismikla lukku, fyrir vöru sem kallast Skeiðin hans afa; skeiðar sem í hafa verið boruð göt, þær settar í glæsilega gjafapakkningu og seldar sem til dæmis feta-osts-skeiðar, eða skeiðar fyrir gular baunir; þar sem hentugt getur talist að skilja vökvann frá. Á Facebook vekur ung kona athygli á þessari vöru, birtir af henni mynd með svohljóðandi skilaboðum: „Fékk þessa sniðugu skeið í jólagjöf. Fetaost skeið. Íslensk hönnun. Eða reyndar IKEA skeið sem búið er að bora í – og selja sem íslenska hönnun. Hvað finnst fólki.“Sjá einnig:Framkvæmdastjóri IKEA fagnar gataskeiðunum Og mörgum finnst þetta kúnstugt. Vísir spurði Maríu Kristu Hreiðarsdóttur hjá Krista design einfaldlega hvort ekki megi heita vafasamt að kaupa skeiðar í Ikea, bora í þær göt og kalla íslenska hönnun?Hugvit frá honum afa María Krista segir að eflaust finnist einhverjum athugavert að nota IKEA-skeiðar í þessu tilfelli en „hugmyndin bak við hönnunina er þessi gamla útfærsla afa okkar á matskeiðum sem hann fann ofan í skúffu hjá ömmu á sínum tíma, ýmist gamlar silfurskeiðar eða ódýrari skeiðar sem hann boraði út fyrir allt annan tilgang, enda skeiðar væntanlega ekki hugsaðar með götum upphaflega. Pælingin hjá honum og endurútfærslan á annars venjulegri skeið er því hönnun/hugvit í sjálfu sér að okkar mati og erum við því aðeins að halda hugmyndum hans og heiðri á lofti.“Skeiðarnar hans afa njóta mikilla vinsælda þó vafi leiki á um hvort hér sé rétt að tala um íslenska hönnun.Að sögn Maríu Kristu hafa skeiðarnar hafa vakið mikla lukku, er vinsæl gjafavara. „Til dæmis fyrir matarboð og annað enda skemmtileg umræða sem spinnst út frá götunum 3 sem margir klóra sér í kollinum yfir. Það er líka skemmtilegasti parturinn af þessu. Heildarkonseptið er því: skemmtileg gjöf, endurgerð á venjulegri skeið með breyttum tilgangi með tilheyrandi vinnuframlagi og umbúðum sem og falleg saga.“Engar blekkingar í gangi María Krista bendir á að hugmyndin að baki komi skýrt fram í umbúðunum og ekki sé verið að blekkja neinn. Vörurnar frá Kristu eru margar hverjar unnar úr óhefðbundnum efnivið. „Eins og hjólbörðum sem við breytum í hitaplatta, glasamottur skornar út úr gólfdúkum og gólfflísum sem nýttar eru sem ostabakkar, það mætti því alveg eins spyrja okkur af hverju við gerum ostabakka úr flísum sem keyptar eru í byggingavöruverslun! Við framleiðum hinsvegar ekki flísar né stálskeiðar þótt við framleiðum nánast allt frá a-ö og höfum því leitað í efnivið í einhverjar af vörum okkar hjá öðrum byrgjum og í þessu tilfelli IKEA. Það mætti kannski kalla þetta eitt IKEA hack-ið sem vinsæl eru í dag en þá er varningi frá IKEA breytt á ýmsa vegu eftir höfði eiganda.“Halla hjá Hönnunarmiðstöðinni segir málið einfalt: Hér er ekki um íslenska hönnun að ræða.María Krista telur það sem sagt ekki breyta miklu hvort skeiðarnar komi frá IKEA eða öðrum „skeiðafyrirtækjum“, hugmyndin og endurgerðin er megintilgangurinn með vörunni. „Ef íslensk hönnun ætti að standa undir nafni og engin aðkeypt efni væru notuð í þá væri nú lítið framleitt hér á landi nema þá úr ull, hornum, beinum og kannski íslensku birki.“ En, getur þetta kallast íslensk hönnun? Vísir bar þetta tiltekna dæmi undir Höllu Helgadóttur framkvæmdastjóra Hönnunarmiðstöðvar Íslands og hún telur það ákaflega vafasamt.Vafasamt að tala um íslenska hönnun „Það er einfalt - þetta er ekki hönnun þau eru bara að búa eitthvað til sem er bara fínt. Fólk ruglar mjög mikið með hönnunarhugtakið. Til að vera hönnuður er ekki nóg að ákveða bara að maður sé hönnuður og búa eitthvað til (oftast eitthvað sem einhver annar er löngu búinn að gera) samanber alla plexigler-kertastjaka sem verið er er að selja.“Gataðar skeiðar hafa lengi verið þekktar og hér má til dæmis sjá mote-skeiðina.„Langflestir hönnuður hafa að minnsta kosti 4 ára háskólanám að baki. Það eru til ómenntaðir einstaklingar sem geta talist hönnuðir en þeir eru undantekning. Mig grunar að fólki í þessu fyrirtæki hafi aldrei lært neitt í hönnun,“ segir Halla og skefur ekki utan af því. Þá má og benda á að skeiðar með götum, sem þjóna margvíslegum tilgangi, hafa lengi verið þekktar. Hér má til dæmis nefna Mote-skeiðina sem notuð er til að skilja að telauf og drykkinn sjálfan og þannig má lengi telja.
Höfundaréttur IKEA Tíska og hönnun Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Pallborðið: Stungið höfðinu í sandinn í tuttugu ár Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent Kröfur kvennaárs komnar í innheimtu og gjalddaginn fallinn Innlent Annað safn rænt í Frakklandi um helgina Erlent Engin lausn og ákveðin sjálfsblekking að banna börnum að nota tölvuleiki Innlent Fleiri fréttir Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Sjá meira