Úrslitaleikurinn verður sýndur á hóteli Dags á morgun

Kex Hostel var að tilkynna rétt í þessu að úrslitaleikurinn á HM í Póllandi, Spánn - Þýskaland, verði sýndur á hótelinu á morgun en Dagur Sigurðsson, þjálfari þýska liðsins, er einn eigenda hótelsins.

Uppgangur þýska landsliðsins hefur einfaldlega verið ótrúlegur en eftir tap gegn Spánverjum í fyrsta leik hafa Þjóðverjar unnið sex leiki í röð og eru komnir í úrslitaleikinn.

Fyrir ári síðan var þýska landsliðið með æfingarbúðir á Íslandi og kemur fram í fréttatilkynningunni að liðið hafi á meðan dvölinni stóð á Kex Hostel.

Verður leikurinn sýndur í samstarfi við þýska sendiráðið og hefst klukkan 16.30.