Andrés og Jón Birta Björnsdóttir skrifar 17. desember 2015 07:00 Talsvert hefur borið á að landsmenn eigi erfitt með að átta sig á söguþræði, aðalpersónum og framvindu í einu vinsælasta jóla-laginu, Jólasveinar einn og átta. Hér verður ykkur rétt hjálparhönd í þeim efnum. Jólasveinarnir voru sum sé einn og átta, en þarna er stuðst við ævaforna talningaraðferð þar sem einn og átta eru átján en ávallt þurfti að draga fimm frá þegar þessi aðferð var notuð. Átján mínus fimm, sem sagt þrettán eins og allir vita. Að hitta Jón á Völlunum hefur einnig vafist fyrir einhverjum en þarna er einfaldlega um að ræða samheiti yfir þá daglegu iðju að fara að sofa. Uppruna orðatiltækisins má rekja til góðkunningja Jóns Más Péturssonar sem lengi bjó í Vallahverfinu í Hafnarfirði. Var það samdóma álit samferðamanna hans að Jón væri leiðinlegasti maður þjóðarinnar frá landnámi og að hitta Jón á Völlunum þýddi óumflýjanlega að menn lognuðust útaf á meðan Jón óð elginn. Þá er það hann Andrés, en hann er umboðsmaður jólasveinanna til margra ára, dulur maður og óframfærinn en sinnir sínu starfi af stakri natni. Einhverjir hafa velt fyrir sér hvernig jólasveinarnir fara að því að setja gjafir í skó allra íslenskra barna til sjávar og sveita auk þess að leiða yfirspennta krakka kringum jólatré á vegum allra starfsmannafélaga landsins. Þetta er honum Andrési og excel-skjölunum hans að þakka. En þegar þarna var komið sögu hafði Andrés sopið ótæpilega á púrtvíni og hent í status þar sem hann fagnaði komu flóttamanna til landsins auk þess að lýsa yfir velþóknun á fyrirhugaðri byggingu mosku í Reykjavík. Andrés var því frekar timbraður og utangátta og beið þess að vera fórnað á altari nettröllanna. Þegar fyrrnefndar upplýsingar, sem fengnar voru eftir mikla yfirlegu á handritadeild stofnunar Árna Magnússonar, eru öllum ljósar ættu allir að geta tekið hraustlega undir á næsta jólaballi með allar staðreyndir málsins í farteskinu. Viltu birta grein á Vísi? Sendu okkur póst. Senda grein Birta Björnsdóttir Mest lesið Hefur ítrekað hótað okkur áður Hjörtur J. Guðmundsson Skoðun Halldór 02.08.2025 Halldór Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson Skoðun Bandaríkin voru alltaf vondi kallinn Karl Héðinn Kristjánsson Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun Áform um að eyðileggja Ísland! Jóna Imsland Skoðun Fólkið í flokknum Helgi Áss Grétarsson Skoðun Kæfandi klámhögg sveitarstjóra Jón Trausti Reynisson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Landsvirkjun hafin yfir lög Björg Eva Erlendsdóttir Skoðun
Talsvert hefur borið á að landsmenn eigi erfitt með að átta sig á söguþræði, aðalpersónum og framvindu í einu vinsælasta jóla-laginu, Jólasveinar einn og átta. Hér verður ykkur rétt hjálparhönd í þeim efnum. Jólasveinarnir voru sum sé einn og átta, en þarna er stuðst við ævaforna talningaraðferð þar sem einn og átta eru átján en ávallt þurfti að draga fimm frá þegar þessi aðferð var notuð. Átján mínus fimm, sem sagt þrettán eins og allir vita. Að hitta Jón á Völlunum hefur einnig vafist fyrir einhverjum en þarna er einfaldlega um að ræða samheiti yfir þá daglegu iðju að fara að sofa. Uppruna orðatiltækisins má rekja til góðkunningja Jóns Más Péturssonar sem lengi bjó í Vallahverfinu í Hafnarfirði. Var það samdóma álit samferðamanna hans að Jón væri leiðinlegasti maður þjóðarinnar frá landnámi og að hitta Jón á Völlunum þýddi óumflýjanlega að menn lognuðust útaf á meðan Jón óð elginn. Þá er það hann Andrés, en hann er umboðsmaður jólasveinanna til margra ára, dulur maður og óframfærinn en sinnir sínu starfi af stakri natni. Einhverjir hafa velt fyrir sér hvernig jólasveinarnir fara að því að setja gjafir í skó allra íslenskra barna til sjávar og sveita auk þess að leiða yfirspennta krakka kringum jólatré á vegum allra starfsmannafélaga landsins. Þetta er honum Andrési og excel-skjölunum hans að þakka. En þegar þarna var komið sögu hafði Andrés sopið ótæpilega á púrtvíni og hent í status þar sem hann fagnaði komu flóttamanna til landsins auk þess að lýsa yfir velþóknun á fyrirhugaðri byggingu mosku í Reykjavík. Andrés var því frekar timbraður og utangátta og beið þess að vera fórnað á altari nettröllanna. Þegar fyrrnefndar upplýsingar, sem fengnar voru eftir mikla yfirlegu á handritadeild stofnunar Árna Magnússonar, eru öllum ljósar ættu allir að geta tekið hraustlega undir á næsta jólaballi með allar staðreyndir málsins í farteskinu.
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun