2015 var ár fjölbreytileikans í tískuheiminum

Vefurinn Fashionista segir árið 2015 einkennast af líkamsvirðingu og fjölbreytileika í tískuheiminum.

Vefurinn, sem er einn vinsælasti tískuvefur í heiminum í dag, telur umfjöllun og myndatöku sem Glamour gerði við Ingu Eiríksdóttur og Alda-hópinn í öðru tölublaði sínu vera eitt af því jákvæða sem kom fyrir tískuheiminn árið 2015. 

Myndatakan var skotin af Silju Magg í New York í vor og birting myndanna og umfjöllunin vakti mikla athygli út um allan heim. Þær Inga, Ashley Graham, Marquita Pring, Julie Henderson og Danielle Redman eru af öllum stærðum og gerðum, en eiga það sameiginlegt að hafa náð langt á ferli sínum. Þær hvetja konur til að vera ánægðar með líkama sinn og hugsa um hann – þar sem aðaláhersla er lögð á hreysti en ekki fatastærðir. Þær eru á góðri leið með að breyta tískuheiminum til hins betra. 

Meðal þess sem einnig komst á lista hjá Fashionista var að Topshop skipti út of grönnum gínum, Ashley Graham hannaði undirfatalínu, Saint Laurent tók út auglýsingherferð með of grannri fyrirsætu og yfirlýsing fyrirsætunnar Gigi Hadid á Instagram til þeirra sem kölluðu hana feita á tískupallinum. 

Áfram @aldawomen Allt um þessar stórglæsilegu fyrirmyndir og íslensku fyrirsætuna Ingu Eiríks sem leiðir hópinn í nýjasta @glamouriceland ! Dansaðu inn í helgina með okkur @ingaerla @siljamagg @olofskaftadottir

A video posted by Glamour Iceland (@glamouriceland) on May 8, 2015 at 9:28am PDT