Alexis Tsipras, fyrrverandi forsætisráðherra Grikklands og formaður vinstriflokksins Syriza, hefur útilokað að mynduð verði ríkisstjórn Syriza og Nýs lýðræðis, helsta keppinautar Syriza, að loknum þingkosningunum sem fram fara á sunnudag.
Tsipras og Vangelis Meimarakis, formaður Nýs lýðræðis, áttust við í kappræðum í gær og sagði Tsipras að slík þjóðstjórn yrði „ónáttúruleg“.
Meimarakis sagði hins vegar að Grikkir vildu stöðugleika sem einungis samsteypustjórn stærstu flokkanna gæti skilað. Tsipras útilokaði slíkt vegna grundvallarágreinings sem skilur flokkanna að.
Í frétt BBC kemur fram að skoðanakannanir bendi til þess að hvorugur flokkurinn sé líklegur til að tryggja sér hreinan meirihluta.
Tsipras sagði nýlega af sér embætti forsætisráðherra og boðaði forseti landsins til þingkosninga nokkru síðar.
Tsipras útilokar samstarf með Nýju lýðræði
Tengdar fréttir
Alexis Tsipras segir af sér
Búist er við að boðað verði til þingkosningaí Grikklandi þann 20. september.
Thanou skipuð forsætisráðherra Grikklands til bráðabirgða
Hæstaréttardómarinn Vassiliki Thanou er fyrsta konan til að gegna embættinu í landinu.
Grikkir selja fjórtán flugvelli til þýsks félags
Grikklandsstjórn hefur samþykkt sölu á fjórtán flugvöllum til þýska félagsins Fraport AG sem rekur meðal annars alþjóðaflugvöllinn í Frankfurt.
Grikkland: Dregur úr fylgi Syriza
Syriza mælist með 23 prósent fylgi en íhaldsmennirnir í Nýju lýðræði með 19,5 prósent.
