Sigurbjörg áfram hjá Fram næstu tvö árin

Sigurbjörg Jóhannsdóttir hefur skrifað undir nýjan tveggja ára samning við handknattleiksdeild Fram. Þetta kemur fram á heimasíðu félagsins.

Sigurbjörg, sem er fædd árið 1987, hefur leikið allan sinn feril með Fram.

Sigurbjörg lék frábærlega með Fram fyrri hluta síðasta tímabils en sleit krossbönd í leik gegn ÍBV í lok janúar og missti af þeim sökum af restinni af tímabilinu.

Sigurbjörg, sem skoraði 72 mörk í 15 leikjum með Fram í veur, var valin besti leikmaður fyrri umferðar Olís-deildar kvenna og ein af þremur sem voru tilnefndar sem besti leikmaður deildarinnar á lokahófi HSÍ um helgina.