Margverðlaunað þræladrama sem allir eru að tala um Lilja Katrín Gunnarsdóttir skrifar 16. janúar 2014 09:00 Myndin hefur hlotið mikið lof gagnrýnenda. Fréttablaðið/Getty Images Kvikmyndin 12 Years a Slave var valin besta dramamyndin á nýafstaðinni Golden Globe-hátíð en hún verður frumsýnd á Íslandi á föstudag. Myndin var tilnefnd til alls sjö Golden Globe-verðlauna en hlaut aðeins eina styttu. Samt sem áður er myndin líklegust til að hreppa Óskarsverðlaunin í febrúar sem besta myndin samkvæmt veðbönkum, til dæmis Paddy Power. Þar eru líkurnar 1/4 á meðan líkurnar á að American Hustle eða Gravity hreppi hnossið eru 1/5. Þá er einn af aðalleikurum myndarinnar, Chiwetel Ejiofor, líklegur til að vinna fyrir bestan leik í aðalhlutverki en hann tapaði fyrir Matthew McConaughey á Golden Globe-hátíðinni, sem var verðlaunaður fyrir frammistöðu sína í Dallas Buyers Club. Myndin 12 Years a Slave fjallar um Solomon Northup sem fæddist frjáls maður og vann ýmis verkamannastörf í New York til að sjá fjölskyldu sinni farborða. Solomon var einnig lunkinn fiðluleikari og veturinn 1841 komu tveir menn að máli við hann og vildu ráða hann sem undirleikara í leiksýningu. Solomon stökk á tækifærið og fylgdi þeim til Washington en þar yfirbuguðu mennirnir hann og seldu hann í þrældóm. Sá þrældómur átti eftir að vara næstu tólf árin. Myndin er byggð á samnefndri sjálfsævisögu Solomons Northup sem kom út árið 1853 og átti dyggan þátt í því að þrælastríðið braust út í Bandaríkjunum árið 1861. Margir hafa borið myndina saman við aðrar epískar dramamyndir eins og Schindler‘s List og The Passion of Christ sem skiluðu fúlgum fjár í kassann þrátt fyrir að fjalla um mjög erfið málefni. Myndin var frumsýnd á Telluride-kvikmyndahátíðinni 30. ágúst í fyrra og hefur skilað rúmlega fimmtíu milljónum dollara í kassann í miðasölutekjum, tæplega sex milljörðum króna. Þá hefur myndin fengið alls kyns ókeypis auglýsingu hjá stjörnum á borð við Kanye West og Sean Combs. Sá síðarnefndi hvatti alla til að sjá myndina með þessum orðum í myndbandi: „Þessi mynd er átakanleg en samkvæm sannleikanum og hún er hluti af heilunarferlinu. Ég bið ykkur öll um að fara með börnin ykkar og alla að sjá hana. Þið verðið að sjá hana til að skilja, svo þið getið byrjað að skilja.“ Með aðalhlutverk í myndinni fara Chiwetel Ejiofor, Michael Fassbender, Benedict Cumberbatch, Paul Dano, Paul Giamatti, Lupita Nyong‘o, Sarah Paulson, Brad Pitt og Alfre Woodard en henni er leikstýrt af Steve McQueen. Fréttir Golden Globes Mest lesið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Borðar það sem alltaf hefur verið til og léttist og léttist Lífið Hjálmari Erni leið eins og manninum í Slumdog Millionaire í Kviss Lífið Ísland með auga fuglsins Lífið Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Kvikmyndin 12 Years a Slave var valin besta dramamyndin á nýafstaðinni Golden Globe-hátíð en hún verður frumsýnd á Íslandi á föstudag. Myndin var tilnefnd til alls sjö Golden Globe-verðlauna en hlaut aðeins eina styttu. Samt sem áður er myndin líklegust til að hreppa Óskarsverðlaunin í febrúar sem besta myndin samkvæmt veðbönkum, til dæmis Paddy Power. Þar eru líkurnar 1/4 á meðan líkurnar á að American Hustle eða Gravity hreppi hnossið eru 1/5. Þá er einn af aðalleikurum myndarinnar, Chiwetel Ejiofor, líklegur til að vinna fyrir bestan leik í aðalhlutverki en hann tapaði fyrir Matthew McConaughey á Golden Globe-hátíðinni, sem var verðlaunaður fyrir frammistöðu sína í Dallas Buyers Club. Myndin 12 Years a Slave fjallar um Solomon Northup sem fæddist frjáls maður og vann ýmis verkamannastörf í New York til að sjá fjölskyldu sinni farborða. Solomon var einnig lunkinn fiðluleikari og veturinn 1841 komu tveir menn að máli við hann og vildu ráða hann sem undirleikara í leiksýningu. Solomon stökk á tækifærið og fylgdi þeim til Washington en þar yfirbuguðu mennirnir hann og seldu hann í þrældóm. Sá þrældómur átti eftir að vara næstu tólf árin. Myndin er byggð á samnefndri sjálfsævisögu Solomons Northup sem kom út árið 1853 og átti dyggan þátt í því að þrælastríðið braust út í Bandaríkjunum árið 1861. Margir hafa borið myndina saman við aðrar epískar dramamyndir eins og Schindler‘s List og The Passion of Christ sem skiluðu fúlgum fjár í kassann þrátt fyrir að fjalla um mjög erfið málefni. Myndin var frumsýnd á Telluride-kvikmyndahátíðinni 30. ágúst í fyrra og hefur skilað rúmlega fimmtíu milljónum dollara í kassann í miðasölutekjum, tæplega sex milljörðum króna. Þá hefur myndin fengið alls kyns ókeypis auglýsingu hjá stjörnum á borð við Kanye West og Sean Combs. Sá síðarnefndi hvatti alla til að sjá myndina með þessum orðum í myndbandi: „Þessi mynd er átakanleg en samkvæm sannleikanum og hún er hluti af heilunarferlinu. Ég bið ykkur öll um að fara með börnin ykkar og alla að sjá hana. Þið verðið að sjá hana til að skilja, svo þið getið byrjað að skilja.“ Með aðalhlutverk í myndinni fara Chiwetel Ejiofor, Michael Fassbender, Benedict Cumberbatch, Paul Dano, Paul Giamatti, Lupita Nyong‘o, Sarah Paulson, Brad Pitt og Alfre Woodard en henni er leikstýrt af Steve McQueen.
Fréttir Golden Globes Mest lesið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Borðar það sem alltaf hefur verið til og léttist og léttist Lífið Hjálmari Erni leið eins og manninum í Slumdog Millionaire í Kviss Lífið Ísland með auga fuglsins Lífið Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira