Sofnaði á leik og fór í mál við deildina

Það eru ótrúlegustu mál sem fara fyrir dómstóla í Bandaríkjunum og nýtt mál úr hafnaboltanum hefur vakið mikla athygli víðsvegar um heiminn.

Hafnaboltaáhugamaðurinn Andrew Rector er kannski ekki eins mikill áhugamaður um íþróttina og hann heldur fram því hann sofnaði á leik Boston Red Sox og New York Yankees.

Leikurinn var sýndur í beinni útsendingu í Bandaríkjunum og vakti það athygli sjónvarpsmanna að Rector skildi sofna á leiknum. Hann var sýndur í talsverðan tíma í sjónvarpinu og lýsendurnir vönduðu honum ekki kveðjurnar.

Þeir kölluðu hann heimskan og feitan. Þessa niðurlægingu var Rector ekki sáttur við og hann er nú farinn í mál við MLB-deildina og ESPN-sjónvarpsstöðina.

Rector er svo illa farinn á sálinni eftir þetta atvik að hann vill fá rúman milljarð í skaðabætur.