Níu marka veisla hjá bandarísku stelpunum | Myndband

Bandaríska kvennalandsliðið í íshokkí sýndi styrk sinn gegn Sviss í dag. Sviss sá aldrei til sólar í leiknum og tapaði 9-0 í afar ójöfnum leik.

Bandarísku stúlkurnar áttu alls 53 skot að marki en Sviss aðeins 10.

Monique Lamoureux, Kendell Coyne og Amanda Kessell skoruðu allar tvö mörk. Brianna Decker, Hilary Knight og Alex Carpenter komust einnig á blað.

Bandaríkin þar með búið að vinna báða sína leiki en Sviss hefur tapað báðum sínum og ekki enn skorað mark.

Mörkin má sjá hér að ofan.