Kaupþingsmálið tekið fyrir í dag

Fyrirtaka verður í Kaupþingsmálinu í dag en verjendur sakborninga munu þá leggja fram matsbeiðnir í Héraðsdómi Reykjavíkur.

Níu fyrrverandi starfsmenn Kaupþings eru ákærðir fyrir markaðsmisnotkun og umboðssvik.

Sérstakur saksóknari telur að umrædd brot hafi átt sér stað á árunum fyrir hrun.

Þeir ákærðu eru eru Hreiðar Már Sigurðsson, fyrrverandi forstjóri Kaupþings, Ingólfur Helgason, fyrrverandi forstjóri Kaupþings á Íslandi, Magnús Guðmundsson, fyrrverandi forstjóri Kaupþings í Lúxemborg.

Einnig eru þau Sigurður Einarsson, Einar Pálmi Sigmundsson, Birnir Sær Björnsson, Pétur Kristinn Guðmarsson, Bjarki H Diego og Björk Þórarinsdóttir ákærð í málinu.