Besta gengi Bjarna í formannskjöri Stígur Helgason skrifar 25. febrúar 2013 09:45 Formaðurinn Bjarni Benediktsson, varaformaðurinn Hanna Birna Kristjánsdóttir og Krisján Þór Júlíusson, annar varaformaður, voru að vonum ánægð með árangurinn í Laugardalshöll í gær. Mynd/Valli Bjarni Benediktsson var endurkjörinn formaður Sjálfstæðisflokksins á 41. landsfundi flokksins í Laugardalshöll í gær. Bjarni hlaut 939 atkvæði af 1190, eða 78,9 prósent greiddra atkvæða. Þetta er besta niðurstaða Bjarna í formannskosningu síðan hann var fyrst kjörinn árið 2009. Hanna Birna Kristjánsdóttir hlaut 18,8 prósent atkvæða í formannskjörinu, þrátt fyrir að hafa ekki gefið kost á sér til embættisins. Séra Halldór Gunnarsson í Holti var sá eini sem bauð sig fram gegn Bjarna, en hvatti viðstadda þó í framboðsræðu sinni til að greiða Hönnu Birnu atkvæði sitt. Halldór hlaut nítján atkvæði, eða 1,6 prósent. Hanna Birna, sem er leiðtogi Sjálfstæðisflokksins í borgarstjórn og leiðir lista flokksins í öðru Reykjavíkurkjördæminu í kosningunum til Alþingis í vor, var kjörin varaformaður með 95 prósentum greiddra atkvæða, 1.120 atkvæðum af 1.179. Hún tekur við embættinu af Ólöfu Nordal. Kristján Þór Júlíusson, oddviti flokksins í Norðausturkjördæmi, var endurkjörinn annar varaformaður.Hlakkar til kosninganna „Ég segi það frá mínum dýpstu hjartarótum að ég hlakka til að vinna með ykkur hverju og einu í kosningunum – í þágu heimilanna," sagði Bjarni að loknu formannskjörinu. „Við erum hér komin saman með grunngildin sem okkar leiðarljós til þess að tryggja að við getum mætt kröfum þjóðfélagsins eins og þær eru á hverjum tíma. Það erum við að gera hér í dag og höfum verið að gera allan þennan landsfund, að slípa til og skerpa stefnuna. Það er að ganga vel. Við erum ekki flokkur sem hræðist skoðanaskipti. Við sköpum vettvang fyrir skoðanaskipti," sagði Bjarni. Hanna Birna var sömuleiðis bljúg þegar niðurstöður varaformannskjörsins lágu fyrir. „Ég veit varla hvað ég á að segja. Ég er hrikalega stolt og ofboðslega þakklát fyrir þennan mikla og afdráttarlausa stuðning og þá miklu vináttu og kraft sem ég finn á þessum fundi. Ég held að þetta skipti Sjálfstæðisflokkinn miklu máli, mjög miklu máli," sagði hún.Aðildarviðræðunum verði hætt Á fundinum var samþykkt tillaga frá séra Geir Waage þess efnis að aðildarviðræðunum að Evrópusambandinu skyldi hætt og þeim ekki haldið áfram nema vilji til þess kæmi fram í þjóðaratkvæðagreiðslu. Geir flutti breytingartillögu við tillögur utanríkismálanefndar flokksins, sem hafði lagt til að hlé yrði gert á viðræðunum og þjóðaratkvæðagreiðsla haldin um framhaldið. Benedikt Jóhannesson hvatti til að sú tillaga yrði samþykkt óbreytt, en Geir hafði betur. Þorgerður Katrín Gunnarsdóttir, fyrrverandi varaformaður Sjálfstæðisflokksins, gagnrýndi þessa niðurstöðu í hádegisfréttum RÚV í gær. Hún sagði hana vera vonbrigði og að hún þrengdi stöðu flokksins. Þá leggur fundurinn til að Evrópustofu verði lokað og segir óhæfu að Evrópusambandið reki hér á landi kynningarskrifstofu.Tekist á um verðtrygginguna Verðtryggingin var einnig bitbein á fundinum. Margir urðu til þess að gagnrýna hana og áhrif hennar á fjárhag heimilanna, en aðrir bentu á að hún yrði ekki afnumin nema með ærnum kostnaði fyrir hið opinbera og líktu því meðal annars við að pissa í skóinn sinn. Að lokum fór svo að Bjarni Benediktsson lagði fram sáttatillögu um aðgerðir í húsnæðismálum og verðtrygginguna. „Sjálfstæðisflokkurinn leggur áherslu á að forgangsverkefni nýrrar ríkisstjórnar á fyrsta starfsári verði markviss og tímasett áætlun um að verðtryggð húsnæðis- og neytendalán verði ekki almenn regla líkt og verið hefur," segir í tillögunni. Hún var samþykkt og kom því aldrei til þess að aðrar tillögur um verðtrygginguna sem ýmist gengu lengur eða skemur kæmu til afgreiðslu. Í stjórnmálaályktun flokksins að loknum fundinum eru fimm atriði sett á oddinn, sem sjá má hér til hliðar. Þar segir jafnframt að flokkurinn sé tilbúinn til forystu í íslensku samfélagi þar sem áherslan verði á forgangsröðun í þágu heimila og fyrirtækja. Kosningar 2013 Mest lesið Málafjöldi tvöfaldast milli ára: „Hálfur milljarður farinn nú þegar“ Innlent Minntust þess ekki að hafa brennt tösku fyrir Stefán Blackburn Innlent Málverk stolið af nasistum fannst í argentískri fasteignaauglýsingu Erlent Sakar eftirlitsaðila um að framfylgja ekki leigubílalögum Innlent Segir dóminn áfellisdóm yfir seinagangi lögreglu í kynferðisbrotamálum Innlent Játaði Hamraborgarmálið, grunaður í hraðbankamálinu og vitni í Gufunesmálinu Innlent Gríðarstór sandstormur olli usla í Arizona Erlent Heilbrigðisráðuneytið færir sig um set Innlent Enginn vilji taka ábyrgð á því hvenær eigi að loka Reynisfjöru Innlent Hraðbankinn fannst á Hólmsheiði Innlent Fleiri fréttir Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjálfstæðisflokkurinn aftur orðinn stærstur í borginni Ríkið braut á konu með því að láta mál hennar fyrnast Ekkja hins látna: „Hann var enginn barnaperri“ Sjá meira
Bjarni Benediktsson var endurkjörinn formaður Sjálfstæðisflokksins á 41. landsfundi flokksins í Laugardalshöll í gær. Bjarni hlaut 939 atkvæði af 1190, eða 78,9 prósent greiddra atkvæða. Þetta er besta niðurstaða Bjarna í formannskosningu síðan hann var fyrst kjörinn árið 2009. Hanna Birna Kristjánsdóttir hlaut 18,8 prósent atkvæða í formannskjörinu, þrátt fyrir að hafa ekki gefið kost á sér til embættisins. Séra Halldór Gunnarsson í Holti var sá eini sem bauð sig fram gegn Bjarna, en hvatti viðstadda þó í framboðsræðu sinni til að greiða Hönnu Birnu atkvæði sitt. Halldór hlaut nítján atkvæði, eða 1,6 prósent. Hanna Birna, sem er leiðtogi Sjálfstæðisflokksins í borgarstjórn og leiðir lista flokksins í öðru Reykjavíkurkjördæminu í kosningunum til Alþingis í vor, var kjörin varaformaður með 95 prósentum greiddra atkvæða, 1.120 atkvæðum af 1.179. Hún tekur við embættinu af Ólöfu Nordal. Kristján Þór Júlíusson, oddviti flokksins í Norðausturkjördæmi, var endurkjörinn annar varaformaður.Hlakkar til kosninganna „Ég segi það frá mínum dýpstu hjartarótum að ég hlakka til að vinna með ykkur hverju og einu í kosningunum – í þágu heimilanna," sagði Bjarni að loknu formannskjörinu. „Við erum hér komin saman með grunngildin sem okkar leiðarljós til þess að tryggja að við getum mætt kröfum þjóðfélagsins eins og þær eru á hverjum tíma. Það erum við að gera hér í dag og höfum verið að gera allan þennan landsfund, að slípa til og skerpa stefnuna. Það er að ganga vel. Við erum ekki flokkur sem hræðist skoðanaskipti. Við sköpum vettvang fyrir skoðanaskipti," sagði Bjarni. Hanna Birna var sömuleiðis bljúg þegar niðurstöður varaformannskjörsins lágu fyrir. „Ég veit varla hvað ég á að segja. Ég er hrikalega stolt og ofboðslega þakklát fyrir þennan mikla og afdráttarlausa stuðning og þá miklu vináttu og kraft sem ég finn á þessum fundi. Ég held að þetta skipti Sjálfstæðisflokkinn miklu máli, mjög miklu máli," sagði hún.Aðildarviðræðunum verði hætt Á fundinum var samþykkt tillaga frá séra Geir Waage þess efnis að aðildarviðræðunum að Evrópusambandinu skyldi hætt og þeim ekki haldið áfram nema vilji til þess kæmi fram í þjóðaratkvæðagreiðslu. Geir flutti breytingartillögu við tillögur utanríkismálanefndar flokksins, sem hafði lagt til að hlé yrði gert á viðræðunum og þjóðaratkvæðagreiðsla haldin um framhaldið. Benedikt Jóhannesson hvatti til að sú tillaga yrði samþykkt óbreytt, en Geir hafði betur. Þorgerður Katrín Gunnarsdóttir, fyrrverandi varaformaður Sjálfstæðisflokksins, gagnrýndi þessa niðurstöðu í hádegisfréttum RÚV í gær. Hún sagði hana vera vonbrigði og að hún þrengdi stöðu flokksins. Þá leggur fundurinn til að Evrópustofu verði lokað og segir óhæfu að Evrópusambandið reki hér á landi kynningarskrifstofu.Tekist á um verðtrygginguna Verðtryggingin var einnig bitbein á fundinum. Margir urðu til þess að gagnrýna hana og áhrif hennar á fjárhag heimilanna, en aðrir bentu á að hún yrði ekki afnumin nema með ærnum kostnaði fyrir hið opinbera og líktu því meðal annars við að pissa í skóinn sinn. Að lokum fór svo að Bjarni Benediktsson lagði fram sáttatillögu um aðgerðir í húsnæðismálum og verðtrygginguna. „Sjálfstæðisflokkurinn leggur áherslu á að forgangsverkefni nýrrar ríkisstjórnar á fyrsta starfsári verði markviss og tímasett áætlun um að verðtryggð húsnæðis- og neytendalán verði ekki almenn regla líkt og verið hefur," segir í tillögunni. Hún var samþykkt og kom því aldrei til þess að aðrar tillögur um verðtrygginguna sem ýmist gengu lengur eða skemur kæmu til afgreiðslu. Í stjórnmálaályktun flokksins að loknum fundinum eru fimm atriði sett á oddinn, sem sjá má hér til hliðar. Þar segir jafnframt að flokkurinn sé tilbúinn til forystu í íslensku samfélagi þar sem áherslan verði á forgangsröðun í þágu heimila og fyrirtækja.
Kosningar 2013 Mest lesið Málafjöldi tvöfaldast milli ára: „Hálfur milljarður farinn nú þegar“ Innlent Minntust þess ekki að hafa brennt tösku fyrir Stefán Blackburn Innlent Málverk stolið af nasistum fannst í argentískri fasteignaauglýsingu Erlent Sakar eftirlitsaðila um að framfylgja ekki leigubílalögum Innlent Segir dóminn áfellisdóm yfir seinagangi lögreglu í kynferðisbrotamálum Innlent Játaði Hamraborgarmálið, grunaður í hraðbankamálinu og vitni í Gufunesmálinu Innlent Gríðarstór sandstormur olli usla í Arizona Erlent Heilbrigðisráðuneytið færir sig um set Innlent Enginn vilji taka ábyrgð á því hvenær eigi að loka Reynisfjöru Innlent Hraðbankinn fannst á Hólmsheiði Innlent Fleiri fréttir Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjálfstæðisflokkurinn aftur orðinn stærstur í borginni Ríkið braut á konu með því að láta mál hennar fyrnast Ekkja hins látna: „Hann var enginn barnaperri“ Sjá meira