Sport

Hafdís vann baráttuna gegn Anítu

Eiríkur Stefán Ásgeirsson skrifar
Hafdís Sigurðardóttir kemur í mark í dag. Aníta er til hægri.
Hafdís Sigurðardóttir kemur í mark í dag. Aníta er til hægri. Mynd / Benedikt H. Sigurgeirsson
Hafdís Sigurðardóttir hafði sigur í 400 m hlaupi kvenna á Meistaramóti Íslands á Akureyri í dag eftir spennandi keppni við Anítu Hinriksdóttur.

Aníta keppir ekki í 800 m hlaupi á mótinu þar sem hún er í hvíld í greininni eftir annasamar vikur. Hún gerði hins vegar tilkall til sigurs í 400 m hlaupi.

Hafdís átti betri tíma í greininni og kom tæpri sekúndu á undan í mark, á 54,46 sekúndum. Aníta hljóp á 55,34 sekúndum.

Hafdís vann sigur í 100 m hlaupi kvenna fyrr í dag og stefnir á að vinna alls fjögur gull um helgina.

Þá sigraði Arndís Ýr Hafþórsdóttir í 1500 m hlaupi kvenna nokkuð örugglega.

400 m hlaup kvenna:

1. Hafdís Sigurðardóttir, UFA 54,46 sek.

2. Aníta Hinriksdóttir, ÍR 55,34

3. Stefanía Valdimarsdóttir, Breiðabliki 57,63

1500 m hlaup kvenna:

1. Arndís Ýr Hafþórsdóttir, Fjölni 4:49,18 mín.

2. Íris Anna Skúladóttir, Fjölni 4:56,26

3. María Birkisdóttir, USÚ 4:56,44

Frjálsar íþróttir

Tengdar fréttir

Kolbeinn Höður bætti met Jóns Arnars

Heimamaðurinn Kolbeinn Höður Gunnarsson náði frábærum tíma í 100 m hlaupi karla á Meistaramóti Íslands í frjálsíþróttum í morgun.

Arna Stefanía vann á nýju meti

Arna Stefanía Guðmundsdóttir, ÍR, bætti í dag eigið aldursflokkamet í 100 m grindahlaupi á Meistaramóti Íslands í frjálsíþróttum á Akureyri.

Hilmar með yfirburði í sleggjukasti

Hilmar Örn Jónsson, ÍR, hefur tryggt sér sín fyrstu gullverðlaun á Meistaramóti Íslands í frjálsíþróttum en hann kastaði lengst í sleggjukasti í morgun.

Mest lesið


Fleiri fréttir

Sjá meira


×

Mest lesið