Zoran og félagar í Þrótti fyrstir að leggja KF af velli fyrir norðan

Zoran Miljkovic byrjar gríðarlega vel með Þróttara en liðið bar sigur úr býtum gegn KF í 1. deild karla í knattspyrnu í dag en leikurinn fór fram á Ólafsfirði.

Zoran var á dögunum ráðinn þjálfari liðsins eftir að Páli Einarssyni hafði verið vikið úr starfi.

Hlynur Hauksson gerði eina mark leiksins en það kom í uppbótartíma. KF hefur ekki tapað leik á Ólafsfirði í háa herrans tíð en Þróttur er nú með 8 stig í 10.-11. sæti tveimur stigum á eftir Tindastól sem eru í því níunda.