Ferðamaður féll í sjóinn við Reynisfjöru

Erlendur ferðamaður féll í sjóinn við Reynisfjöru í Vík í Mýrdal. Strax voru kallaðar út björgunarsveitir af Suðurlandi ásamt þyrlu Landhelgisgæslunnar.

Maðurinn barst með öldum að Reynisfjalli og rak þar uppi í fjöru.

Björgunarmenn reyndu að síga að honum en hann virtist heill á húfi að því er fram kemur í tilkynningu frá Landsbjörg.

Maðurinn hafði verið í um 30 mínútur í sjónum þegar hann náði landi og var orðinn mikið þrekaður þegar honum var bjargað.

Þyrla Reykjavík Helicopters, sem var þarna skammt frá, náði að lenda hjá manninum og flytja hann í land.

Þyrla gæslunnar kom einnig á svæðið ásamt lækni.