Vond veiði í Veiðivötnum

Opnunin í Veiðivötnum er sú versta í manna minnum.

"Jahh, þeir sögðu það karlarnir sem hafa verið þarna í tuttugu til þrjátíu ár að þetta sé lélegasta opnun í Veiðivötnum síðan sögur hófust," segir Atli Bergmann veiðimaður - sem vanur er að koma til byggða með fleiri fiska en nú var.

Veiði í Veiðivötnum hófst 18. júní kl.15. Aðgerðakör sem oftast eru full af fiski voru vart svipur hjá sjón. Veður var óhagstætt, kalt og aðeins þeir hörðustu héldu út daginn. Að sögn Atla eru þarna menn sem gjörþekkja svæðið, vita nákvæmlega hvar fiskurinn liggur eftir því hvernig hitastig er og hvernig vindar blása. Þeir eru með veiðibúnað til að mæta því.

Á vef Veiðivatna segir að veiði hafi verið þokkaleg og flest vötn hafi gefið fiska. Stærsti fiskurinn var 10,5 punda purriði úr Hraunvötnum. Þá voru að koma vænir fiskar úr Litlasjó og Grænavatni. "Athygli vöktu góðar bleikjur úr Langavatni. Kunnugir telja bleikjuna þar betri en í fyrra."

Öll hús og veiðileyfi eru upppöntuð í Veiðivötnum.