Íslenski boltinn

Bannað að vera með iPad á bekknum

Siggi dúlla, liðsstjóri Stjörnunnar, fylgist með leik Stjörnunnar og FH á Ipad í gær.
Siggi dúlla, liðsstjóri Stjörnunnar, fylgist með leik Stjörnunnar og FH á Ipad í gær. mynd/valli
Eins og Vísir greindi frá í morgun þá voru Stjörnumenn með iPad á bekknum hjá sér í gær. Þar fylgdust þeir með útsendingu leiksins í gegn OZ-appið. Þar af leiðandi gátu þeir spólað til baka og skoðað vafaatvik og annað.

Þórir Hákonarson, framkvæmdastjóri KSÍ, sagði við Vísi í morgun að þessi hegðun væri á gráu svæði. Nú er búið að skera úr um að þetta er ekki bara á gráu svæði heldur ólöglegt.

„Hvers kyns búnaður sem getur tekið á móti beinum útsendingum frá viðkomandi knattspyrnuleik er bannaður í boðvangi

Vegna umræðu um notkun spjaldtölva á varamannabekk og við boðvang á knattspyrnuleikjum er rétt að fram komi að samkvæmt túlkun FIFA er bannað samkvæmt nattspyrnulögunum að skoða beinar útsendingar af leikjum á boðvangi (technical area) á meðan á leik stendur.

Það þýðir með öðrum orðum að hvers kyns búnaður sem getur tekið á móti beinum útsendingum frá viðkomandi knattspyrnuleik er bannaður í boðvangi á meðan leik stendur, þar með taldar spjaldtölvur sem eru nettengdar og geta tekið á móti slíkum útsendingum.  Notkun slíks búnaðar í boðvangi er því óheimil og ber dómurum að ganga úr skugga um að bannið sé virt," segir í yfirlýsingu frá KSÍ.

Stjörnumenn verða því að geyma Ipaddinn heima hjá sér næst þegar þeir eru í beinni á Stöð 2 Sport.

Pepsi Max-deild karla

Mest lesið


Fleiri fréttir

Sjá meira


×

Mest lesið