Rosalegur nammidagur hjá Gary Martin

Gary Martin, hinn enski framherji meistaraflokks KR í knattspyrnu, verður seint þekktur fyrir mikla feimni. Aðdáendur kappans geta fylgt honum á Twitter þar sem hann fer á kostum.

Undanfarið hefur hann leyft Twitter-notendum að skyggnast inn í mataræði sitt. Martin er mjög heilsuhraustur og fer daglega í líkamsræktarstöðina. Það hefur hins vegar farið framhjá fáum að honum finnst sælgætið gott.

Martin birti myndina að ofan á Twitter-síðu sinni í dag. Myndinni fylgja skilaboðin „Fat day" sem mætti í lauslegri þýðingu nefna „nammidag" á íslensku. Martin virðist þó hafa nammidag rúmlega einu sinni í viku því hann birti myndina að neðan síðastliðinn þriðjudag.