Stjarnan Lengjubikarmeistari eftir öruggan sigur á Val

Stjarnan rústaði Val, 4-0,  í úrslitaleik Lengjubikar kvenna í dag en leikurinn fór fram á Samsung-vellinum í Garðabæ.

Elva Friðjónsdóttir skoraði fyrstu tvö mörk leiksins fyrir Stjörnuna sem var 2-0 yfir þegar fyrri hálfleikur var flautaður af.

Rúna Sif Stefánsdóttir gerði þriðja mark Stjörnunnar þegar um 25 mínútur voru eftir af leiknum og Harpa Þorsteinsdóttir kláraði síðan frábæran leik Stjörnunnar tíu mínútum fyrir leikslok með fínu marki.

Stjarnan því Lengjubikarmeistari og byrjar tímabilið virkilega vel.

Upplýsingar um markaskorara fengnar á www.urslit.net