Reykjavíkurmótinu í sundi lauk í dag en alls féllu fimmtán Íslandsmet í flokki fatlaðra á mótinu. Jón Margeir Sverrisson bætti Íslandsmet í alls sjö greinum.
Ekkert met féll hjá ófötluðum að þessu sinni en bestum árangri náðu þau Eygló Ósk Gústafsdóttir og Anton Sveinn McKee úr Ægi.
Jón Margeir bætti Íslandsmet í 100, 200 og 400 m skriðsundi, 100 og 200 m flugsundi, 200 m bringusundi og 400 m fjórsundi.
Þá setti Thelma Björg Björnsdóttir fjögur Íslandsmet, þrjú í skriðsundi og svo í 100 m baksundi.
Marinó Ingi Adolfsson bætti Íslandsmet í 200 og 400 m skriðsundi og Íva Marín Adrichem í 100 m baksundi og 100 m bringusundi.
Fimmtán Íslandsmet í sundi fatlaðra
Tengdar fréttir
Jón Margeir með fimm Íslandsmet til þessa
Jón Margeir Sverrisson hefur farið mikinn á Reykjavíkurmeistaramótinu í sundi sem fer fram nú um helgina. Hann hefur þegar bætt fimm Íslandsmet.
