Tapsárasti þjálfari í heimi? | Myndband

Kanadamenn taka íshokký alvarlega og alveg sama á hvaða stigi það er. Þjálfari barnaliðs hefur nú verið sendur í fangelsi fyrir óíþróttamannslega hegðun.

Sá heitir Martin Tremblay og þjálfar barnalið í Vancouver. Hann var heldur betur tapsár eftir leik á dögunum og lét það bitna á börnunum í liði andstæðinganna.

Tremblay gerði sér lítið fyrir og felldi einn af þeim eftir leik er menn voru að þakka fyrir leikinn. Tveir strákar, 10 og 13 ára, féllu á ísinn í kjölfarið.

Dómari í Vancouver tók hart á málinu. Fannst samfélagsþjónusta ekki duga til þess að refsa Tremblay og dæmdi hann því í 15 daga fangelsi.