Hjólreiðar gætu horfið af Ólympíuleikunum

Allt lyfjahneykslið í kringum Lance Armstrong gæti leitt til þess að hjólreiðar verði ekki lengur Ólympíþrótt. Á föstudag birtir Oprah Winfrey viðtal sitt við Armstrong þar sem hann viðurkennir loks lyfjanotkun.

Viðtalið er reyndar tveir og hálfur klukkutími og verður því sýnt í tveimur hlutum.

Ef Armstrong staðfestir í viðtalinu að alþjóða hjólreiðasambandið hafi á einhvern hátt tekið þátt í svindlinu geta hjólreiðamenn líklega kysst Ólympíuleikana bless.

Dick Pund, sem eitt sinn var yfir alþjóða lyfjasambandinu, segir að lengi hafi verið óánægja með hversu illa hjólreiðasambandið tekur á lyfjamálum.