Umsóknarferli að ljúka hjá Ármönnum

Umsóknarfrestur um veiðileyfi hjá stangaveiðifélaginu Ármönnum rennur út á föstudaginn. Meðal veiðisvæða Ármanna er Hlíðarvatn og Húseyjakvísl og Svartá í Skagafirði.

Ármenn er félagsskapur sem veiðir eingöngu á flugu og einbeitir sér að silungsveiði. Auk fyrrnefndra svæða eru Ármenn með á sínum snærum Fjarðará í Hvalvatnsfirði, sjóbirtingssvæðin í Grímsá og Laxá í Kjós,

"Síðasti skiladagur veiðileyfaumsókna er föstudagurinn 11. janúar en ekki miðvikudagurinn eins og slæddist aftan á dagskrá vetrar í desemberhefti Áróðs," segir á heimasíðu Ármanna, armenn.is.

"Árósar eru lokaðir á föstudeginum þannig að félagsmönnum er bent á að lauma umsóknum inn um gömlu góðu bréfalúguna. Einhverjir stjórnarmenn verða í Árósum miðvikudagskvöldið 9. janúar ef menn þurfa einhverja aðstoð eða ráðleggingar við útfyllingu umsókna," segir ennfremur á armenn.is.