Mennska í takt við nýja tíma Andrea Róberts skrifar 30. mars 2012 06:00 Hér á landi eru konur og karlar nú jöfn fyrir lögum og fjallað er um að einstaklingurinn sé frjáls, hafi val og að kyn skipti sama og engu máli er kemur að því að fóta sig í lífinu. Staðreyndin er hins vegar önnur og veruleikinn sem við blasir mun flóknari. Kynjamótunin hefst strax á fæðingardeildinni og félagsmótun á sér stað í gegnum allt lífið með gamaldags hugmyndum um eðli kynjanna. Bræðingur af ósýnilegum reglum, gildum og viðmiðum sem eru einungis skrifuð í lífið sjálft. Niðurstöður rannsókna sýna fram á stöðnun, bakslag og eftirlit með aðgerðum er af skornum skammti. Þrátt fyrir menntun kvenna og mannkosti hafa þær síður náð í æðstu stjórnunarstöður. Launamunur kynjanna er enn til staðar og flest heimilisstörf halda áfram að erfast milli kynslóða kvenna. Í ljósi alls þessa vil ég meina að konur sitji ekki við sama borð og karlar þegar kemur að því að nýta sér jafnréttið. Úff hvað þetta er niðurdrepandi. En margir óttast breytingar, fólk veit hvað það hefur en veit ekki hvað það fær. Ég persónulega hélt á tímabili að enginn gæti komið í stað Simons Cowell í American Idol en raunin var önnur. Það er enginn ómissandi. Það er mikilvægt að hugsa og stíga út fyrir rammann. Femínistar„Femínisti er karl eða kona sem veit að jafnrétti kynjanna hefur ekki verið náð og vill gera eitthvað í því." Er það ekki elegant og getum við ekki öll verið sammála um að við viljum jöfn tækifæri fyrir syni okkar og dætur? Þess vegna er alveg óskiljanlegt hversu eldfim umræða um jafnréttismál eru. Því er ekki að neita að kvennabaráttan hefur skilað okkur betra þjóðfélagi sem byggir á baráttu formæðra okkar. Þær eru steypustyrktarjárn fyrir bæði konur og karla til að byggja áframhaldandi baráttu fyrir jafnrétti kynjanna í þágu lýðræðis. Það er þó umhugsunarvert að kvennabaráttan virðist ekki hafa skilað konum sérstöku brautargengi eins og áður segir. Það skiptir máli að konur fari nú að fá raunverulegt vald sem helmingur mannkyns. Kyn er mikilvæg breyta þar sem hún býr til mörk og skapar hindranir. Það var því söguleg stund og heimsviðburður þegar Vigdís Finnbogadóttir var kjörin. Stóð þessi einstæða móðir sig með svo mikilli prýði að eftir var tekið af heimsbyggðinni allri. Enn í dag. Með ælu á öxlinniSamkvæmt nýjustu stöðlum tískunnar eiga konur að fullkomna sig með móðurhlutverkinu, án þess þó að vera með ælu á öxlinni. Jafnframt er ætlast til að móðirin setji sjálfa sig og þarfir sínar ávallt í annað sæti. Auðvitað er eðlilegt að börn og barneignir gefi draumum, löngunum og væntingum stefnu tímabundið. Ekkert er betra en sú skilyrðislausa ást á börnunum okkar. Markmið femínismans er einmitt ekki að frelsa konuna frá móðurhlutverkinu sem slíku heldur frá ástandi móðurhlutverksins sem kúgunartæki. Mikilvægt er að reyna að grafa undan þessum gömlu hugmyndum sem eru orðnar viðtekinn sannleikur sem mótar möguleika kynjanna, konum í óhag. Hverja langar á "ballið“ á Bessastöðum?Laugardaginn 29. júní 1996, daginn sem Ólafur Ragnar Grímsson var kjörinn forseti Íslands, var hægt að ferðast með Akraborginni, Baywatch var á dagskrá Sjónvarpsins kl. 19 og kvikmyndin Trainspotting var í bíó. Myndin er orðin klassík. Sama hvað ég reyni þá finn ég fátt ferskt og brakandi við Nýja Ísland. Hvað varðar forsetaembættið þá má lengi fjalla um tilverurétt og uppbyggingu þess embættis. Lego er ekki að fara að framleiða embættisbústaðinn á Álftanesi og Ísland er ekki nafli alheimsins ef út í það er farið. Það er ekki til umræðu hér heldur mikilvægi þess að skapa hressandi fyrirmyndir fyrir komandi kynslóðir hér heima og erlendis. Að fá konu á Bessastaði væri fyrirmynd fyrir syni okkar og dætur til að máta sig við og læra að lesa kyn sitt upp á nýtt. Deila má um hversu valdamikið forsetaembættið er en það er ekki hægt að horfa fram hjá því að um er að ræða embætti sem er sýnilegt og í augum margra sjarmerandi. Að hafa konu í embætti forseta Íslands mun minna á sigrana í jafnréttisbaráttunni. Að við vitum að jafnrétti kynjanna hefur ekki verið náð og að við viljum gera eitthvað í því. Það myndi klárlega bæta ímynd og ásýnd landsins. Það er kominn tími á nýtt og enn betra Ísland. Þetta mega kjósendur í forsetakosningunum og hugsanlegir frambjóðendur hafa í huga – sama hvernig þeir líta út fyrir neðan nafla. Viltu birta grein á Vísi? Sendu okkur póst. Senda grein Skoðanir Mest lesið Gervigreind fyrir alla — en fyrir hvern í raun? Sigvaldi Einarsson Skoðun Hefur ítrekað hótað okkur áður Hjörtur J. Guðmundsson Skoðun Bandaríkin voru alltaf vondi kallinn Karl Héðinn Kristjánsson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson Skoðun Halldór 02.08.2025 Halldór Kæfandi klámhögg sveitarstjóra Jón Trausti Reynisson Skoðun Ísrael – brostnir draumar og lygar Ingibjörg Þóra Haraldsdóttir Skoðun Fyrsta flokks heilbrigðisþjónustu á Íslandi Lilja Alfreðsdóttir Skoðun Skoðun Skoðun Gervigreind fyrir alla — en fyrir hvern í raun? Sigvaldi Einarsson skrifar Skoðun Hefur ítrekað hótað okkur áður Hjörtur J. Guðmundsson skrifar Skoðun Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson skrifar Skoðun Bandaríkin voru alltaf vondi kallinn Karl Héðinn Kristjánsson skrifar Skoðun Erum við á leiðinni í hnífavesti? Davíð Bergmann skrifar Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier skrifar Skoðun Kæfandi klámhögg sveitarstjóra Jón Trausti Reynisson skrifar Skoðun Klár fyrir Verslunarmannahelgina? Ágúst Mogensen skrifar Skoðun Vegið að börnum í pólitískri aðför að ferðaþjónustunni Einar Freyr Elínarson skrifar Skoðun Hið tæra illa Gunnar Hólmsteinn Ársælsson skrifar Skoðun Ferðamannaiðnaður? Nei, ferðaþjónusta! Guðmundur Björnsson skrifar Skoðun Hæðarveiki og lyf Ari Trausti Guðmundsson skrifar Skoðun Landsvirkjun hafin yfir lög Björg Eva Erlendsdóttir skrifar Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson skrifar Skoðun Þau eru framtíðin – en fá ekki að njóta nútímans Sigurður Kári skrifar Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir skrifar Skoðun Hvers vegna þegir kristin, vestræn menning? Ómar Torfason skrifar Skoðun Trump les tölvupóstinn þinn Mörður Áslaugarson skrifar Skoðun „Já, hvað með bara að skjóta hann!“ Þórhildur Hjaltadóttir skrifar Skoðun Heimar sem þurfa nýja umræðu! Sigurður Árni Reynisson skrifar Skoðun Sársauki annarra og samúðarþreyta Guðrún Jónsdóttir skrifar Skoðun Í minningu sonar – og allra þeirra sem aldrei komu heim Kristín Dýrfjörð,Friðrik Þór Guðmundsson skrifar Skoðun Alþjóðalög eða lögleysa? Urður Hákonardóttir skrifar Skoðun Truman-ríkið: Tilraunir raunheimsins að komast í gegnum gervihvelfinguna Svala Magnea Ásdísardóttir skrifar Skoðun GPT‑5 kemur í ágúst – áskoranir og tækifæri fyrir Ísland Sigvaldi Einarsson skrifar Skoðun Við tölum um vöxt — en gleymum því sem vex Þórdís Hólm Filipsdóttir skrifar Skoðun Verri framkoma en hjá Trump Hjörtur J. Guðmundsson skrifar Skoðun Landið talar Davíð Arnar Oddgeirsson skrifar Skoðun Ætla þau að halda áfram að grafa sína eigin gröf? Kolbrún Áslaugar Baldursdóttir skrifar Skoðun Ísrael – brostnir draumar og lygar Ingibjörg Þóra Haraldsdóttir skrifar Sjá meira
Hér á landi eru konur og karlar nú jöfn fyrir lögum og fjallað er um að einstaklingurinn sé frjáls, hafi val og að kyn skipti sama og engu máli er kemur að því að fóta sig í lífinu. Staðreyndin er hins vegar önnur og veruleikinn sem við blasir mun flóknari. Kynjamótunin hefst strax á fæðingardeildinni og félagsmótun á sér stað í gegnum allt lífið með gamaldags hugmyndum um eðli kynjanna. Bræðingur af ósýnilegum reglum, gildum og viðmiðum sem eru einungis skrifuð í lífið sjálft. Niðurstöður rannsókna sýna fram á stöðnun, bakslag og eftirlit með aðgerðum er af skornum skammti. Þrátt fyrir menntun kvenna og mannkosti hafa þær síður náð í æðstu stjórnunarstöður. Launamunur kynjanna er enn til staðar og flest heimilisstörf halda áfram að erfast milli kynslóða kvenna. Í ljósi alls þessa vil ég meina að konur sitji ekki við sama borð og karlar þegar kemur að því að nýta sér jafnréttið. Úff hvað þetta er niðurdrepandi. En margir óttast breytingar, fólk veit hvað það hefur en veit ekki hvað það fær. Ég persónulega hélt á tímabili að enginn gæti komið í stað Simons Cowell í American Idol en raunin var önnur. Það er enginn ómissandi. Það er mikilvægt að hugsa og stíga út fyrir rammann. Femínistar„Femínisti er karl eða kona sem veit að jafnrétti kynjanna hefur ekki verið náð og vill gera eitthvað í því." Er það ekki elegant og getum við ekki öll verið sammála um að við viljum jöfn tækifæri fyrir syni okkar og dætur? Þess vegna er alveg óskiljanlegt hversu eldfim umræða um jafnréttismál eru. Því er ekki að neita að kvennabaráttan hefur skilað okkur betra þjóðfélagi sem byggir á baráttu formæðra okkar. Þær eru steypustyrktarjárn fyrir bæði konur og karla til að byggja áframhaldandi baráttu fyrir jafnrétti kynjanna í þágu lýðræðis. Það er þó umhugsunarvert að kvennabaráttan virðist ekki hafa skilað konum sérstöku brautargengi eins og áður segir. Það skiptir máli að konur fari nú að fá raunverulegt vald sem helmingur mannkyns. Kyn er mikilvæg breyta þar sem hún býr til mörk og skapar hindranir. Það var því söguleg stund og heimsviðburður þegar Vigdís Finnbogadóttir var kjörin. Stóð þessi einstæða móðir sig með svo mikilli prýði að eftir var tekið af heimsbyggðinni allri. Enn í dag. Með ælu á öxlinniSamkvæmt nýjustu stöðlum tískunnar eiga konur að fullkomna sig með móðurhlutverkinu, án þess þó að vera með ælu á öxlinni. Jafnframt er ætlast til að móðirin setji sjálfa sig og þarfir sínar ávallt í annað sæti. Auðvitað er eðlilegt að börn og barneignir gefi draumum, löngunum og væntingum stefnu tímabundið. Ekkert er betra en sú skilyrðislausa ást á börnunum okkar. Markmið femínismans er einmitt ekki að frelsa konuna frá móðurhlutverkinu sem slíku heldur frá ástandi móðurhlutverksins sem kúgunartæki. Mikilvægt er að reyna að grafa undan þessum gömlu hugmyndum sem eru orðnar viðtekinn sannleikur sem mótar möguleika kynjanna, konum í óhag. Hverja langar á "ballið“ á Bessastöðum?Laugardaginn 29. júní 1996, daginn sem Ólafur Ragnar Grímsson var kjörinn forseti Íslands, var hægt að ferðast með Akraborginni, Baywatch var á dagskrá Sjónvarpsins kl. 19 og kvikmyndin Trainspotting var í bíó. Myndin er orðin klassík. Sama hvað ég reyni þá finn ég fátt ferskt og brakandi við Nýja Ísland. Hvað varðar forsetaembættið þá má lengi fjalla um tilverurétt og uppbyggingu þess embættis. Lego er ekki að fara að framleiða embættisbústaðinn á Álftanesi og Ísland er ekki nafli alheimsins ef út í það er farið. Það er ekki til umræðu hér heldur mikilvægi þess að skapa hressandi fyrirmyndir fyrir komandi kynslóðir hér heima og erlendis. Að fá konu á Bessastaði væri fyrirmynd fyrir syni okkar og dætur til að máta sig við og læra að lesa kyn sitt upp á nýtt. Deila má um hversu valdamikið forsetaembættið er en það er ekki hægt að horfa fram hjá því að um er að ræða embætti sem er sýnilegt og í augum margra sjarmerandi. Að hafa konu í embætti forseta Íslands mun minna á sigrana í jafnréttisbaráttunni. Að við vitum að jafnrétti kynjanna hefur ekki verið náð og að við viljum gera eitthvað í því. Það myndi klárlega bæta ímynd og ásýnd landsins. Það er kominn tími á nýtt og enn betra Ísland. Þetta mega kjósendur í forsetakosningunum og hugsanlegir frambjóðendur hafa í huga – sama hvernig þeir líta út fyrir neðan nafla.
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Skoðun Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson skrifar
Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier skrifar
Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson skrifar
Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir skrifar
Skoðun Í minningu sonar – og allra þeirra sem aldrei komu heim Kristín Dýrfjörð,Friðrik Þór Guðmundsson skrifar
Skoðun Truman-ríkið: Tilraunir raunheimsins að komast í gegnum gervihvelfinguna Svala Magnea Ásdísardóttir skrifar
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun