Björgunarsveitamenn hættir leit að strokufanganum

Björgunarsveitamenn eru hættir að leita að Matthíasi Mána Erlingssyni, fanga sem strauk frá Litla-Hrauni, í dag. Um 50 björgunarsveitamenn voru við leit í dag, en jafnframt tóku fangaverðir og lögreglan þátt í henni. Samkvæmt upplýsingum lögreglunnar á höfuðborgarsvæðinu munu lögreglumenn halda áfram leit að honum. Þeir munu meðal annars fara yfir vísbendingar sem hafa borist.

Í dag fannst húfa við girðinguna, sem umlykur Litla-Hraun, og því er ljóst hvar Matthías fór yfir hana. Lögreglunni hefur ekki reynst unnt að byggja á öðrum vísbendingum sem henni hafa borist.