Tár féllu er harmi slegið lið Kansas vann sinn annan leik í vetur

Frestanir koma helst ekki til greina í NFL og leikmenn Kansas City þurftu að bíta á jaxlinn og spila í gær þó svo einn liðsfélagi þeirra hefði svipt sig lífi á æfingasvæði félagsins á laugardag. Sá hét Jovan Belcher og hann svipti sig lífi eftir að hafa myrt barnsmóður sína.

Leikmenn liðsins þjöppuðu sér saman á þessari erfiðu stund og unnu sætan sigur á Carolina. Aðeins annar sigur liðsins í vetur.

"Við vildum spila leikinn því við erum fótboltamenn. Elskum þennan leik. Við vildum ekki sitja og hugsa um þennan harmleik þegar leikurinn átti að vera spilaður," sagði Derrick Johnson, leikmaður Chiefs, en margir leikmanna liðsins felldu tár fyrir og eftir leik. Þessi þrekraun tók á og ljóst að enginn sem var á vellinum mun gleyma þessum erfiða degi.

Nýliðaleikstjórnendurnir Andrew Luck hjá Indianapolis Colts og Russell Wilson hjá Seattle stálu annars senunni. Luck kastað fyrir tveim snertimörkum gegn Detroit í lokin og sigursendingin kom er leiktíminn rann út.

Wilson vann aftur á móti í framlengingu á útivelli gegn hinu geysisterka liði Chicago Bears.

Úrslit:

Buffalo-Jacksonville 34-18

Chicago-Seattle 17-23

Detroit-Indianapolis 33-35

Green Bay-Minnesota 23-14

Kansas City-Carolina 27-21

Miami-New England 16-23

NY Jets-Arizona 7-6

St. Louis-San Francisco 16-13

Tennessee-Houston 10-24

Denver-Tampa Bay 31-23

Baltimore-Pittsburgh 20-23

Oakland-Cleveland 17-20

San Diego-Cincinnati 13-20

Dallas-Philadelphia 38-33

Svona lítur baráttan um sæti í úrslitakeppninni út.

Ameríkudeildin sigrar-töp:

Houston Texans 11-1 (komið í úrslitakeppnina)

New England Patriots 9-3 (komið í úrslitakeppnina)

Baltimore Ravens 9-3

Denver Broncos 9-3 (komið í úrslitakeppnina)

Indianapolis Colts 8-4

Pittsburgh Steelers 7-5

Liðin sem banka á hurðina:

Cincinnati Bengals 7-5

NY Jets 5-7

Buffalo Bills 5-7

Miami Dolphins 5-7

Þjóðardeildin:

Atlanta Falcons 11-1 (komið í úrslitakeppnina)

San Francisco 49ers 8-3-1

Green Bay Packers 8-4

NY Giants 7-4

Chicago Bears 8-4

Seattle Seahawks 7-5

Liðin sem banka á hurðina:

Dallas Cowboys 6-6

Minnesota Vikings 6-6

Tampa Bay Buccaneers 6-6

St. Louis Rams 5-6-1