Óðinn kastaði 19,30 metra | Hilmar Örn bætti Íslandsmet

Óðinn Björn Þorsteinsson, frjálsíþróttamaður úr FH, kastaði 19,30 metra á Kastmóti FH sem fram fór í Kaplakrika í gærkvöldi.

Óðinn Björn á best 20,22 metra frá því á innanhússmóti hjá FH í vor. Það kast tryggði honum þátttökuréttinn á Ólympíuleikana í London sem hefjast 27. júlí.

Þá bætti Hilmar Örn Jónsson úr ÍR Íslandsmetið í sleggjukasti í flokki 16-17 ára pilta með kasti upp á 71,05 kg.

Gamla metið átti Hilmar sjálfur frá því á vormóti ÍR á dögunum. Það var 69,24 metrar.