Bein útsending frá Landsdómi á Stöð 2 og Vísi

Bein útsending verður á Stöð tvö og á Vísi í dag þegar Landsdómur fellir dóm sinn yfir Geir H. Haarde fyrrverandi forsætisráðherra. Útsendingin hefst klukkan 13:50 og verður rætt við þau Kristínu Edwald hæstaréttarlögmann og Guðna Th. Jóhannesson áður en skipt verður yfir í dómssalinn klukkan 14:00 þegar dómurinn verður lesinn upp.

Geir mun síðan að lokinni dómsuppkvaðningu halda blaðamannafund í Þjóðmenningarhúsinu og verður sá fundur einnig í beinni útsendingu á Vísi og á Stöð 2 í opinni dagskrá.