Innlent

Segir Ingibjörgu hafa viljað 40 milljarða evra lán fyrir bankana

Jón Hákon Halldórsson skrifar
Landsdómur hlýðir í dag á vitnisburð Davíðs Oddssonar.
Landsdómur hlýðir í dag á vitnisburð Davíðs Oddssonar.
Ingibjörg Sólrún Gísladóttir utanríkisráðherra lagði til að bönkunum yrði bjargað með því að útvega 30 til 40 milljarða evra. Þetta sagði Davíð Oddsson, fyrrverandi seðlabankastjóri, fyrir landsdómi á fjórða tímanum í dag. Hann sagði að það hefði verið dauði fyrir ríkið að fara þá leið. „Það var tekin sú ákvörðun að fara ekki þá leið sem síðar hefur verið farin í Grikklandi og víðar, að taka ábyrgð á onýtum bönkum," sagði Davíð.

Fyrr í vitnisburði sínum hafði Davíð sagt að hann hefði haft áhyggjur af stöðu bankanna löngu áður en komið var fram á árið 2008. Í aðdranda hrunsins hafi hann oft rætt stöðuna við Geir Haarde, fyrrverandi forsætisráðherra, en Geir hefði ekki alltaf tekið sig trúanlegan. Hugsanlega hafi þeir báðir átt sök á því. „Við höfðum átt náið og gott samstarf í háa herrans tíð og verið félagar og vinir frá því að við vorum strákar. Kannski hafa formlegheitin verið heldur minni," sagði Davíð.

Davíð hefur nú boriði vitni fyrir dómi í um klukkutíma, en hann mun svara spurningum eitthvað fram á daginn.

Landsdómur

Tengdar fréttir

Eðlilegt að hafa leynd yfir starfi samráðshópsins

Björgvin G. Sigurðsson, fyrrverandi viðskiptaráðherra, segir eðlilegt að starf samráðshóps um fjármálastöðugleika hafi starfað leynt. "Allur kvittur um að stjórnvöld hefðu ekki trú á tilteknum banka gat umsvifalaust haft þau áhrif að áhlaup yrði gert á banka,‟ sagði Björgvin fyrir Landsdómi í morgun. Hann bætti því við að menn hefðu óttast áhlaup sem enginn banki gæti staðist.

Tóku Icesave-vandann mjög alvarlega

Íslensk stjórnvöld tóku Icesave-vandann mjög alvarlega, af því að hann ógnaði stöðugleika á viðkvæmum tímum,” sagði Björgvin G. Sigurðsson í vitnaleiðslum fyrir Landsdómi nú skömmu fyrir hádegið. Hann sagði að vandinn hefði oft verið ræddur. Í huga Geirs Haarde hafi aldrei komið til greina að Ísland tæki á sig ábyrgð á reikningum sem íslensk yfirvöld tóku engan þátt í að stofna.

Bankastjórarnir héldu að bankarnir myndu hrynja 2006

Halldór Ásgrímsson, þáverandi forsætisráðherra, hringdi í Davíð Oddsson, þáverandi seðlabankastjóra, á laugardegi sumarið 2006 vegna áhyggna bankastjóra viðskiptabankanna af því að bankarnir yrðu komnir á hausinn tveimur dögum seinna. Davíð greindi frá þessu í Landsdómi í dag.

Eins og dauðvona krabbameinssjúklingur

"Þarna var dauðvona krabbameinssjúklingur að fá hjartaáfall" sagði Arnór um fall bankanna þegar hann bar vitni fyrir Landsdómi nú eftir hádegið. Hann sagði að lausafjárvandi banakanna væri eins og hjartaáfall en eiginfjárvandi eins og krabbamein fyrir banka.

Björgvin segist ekki hafa verið leyndur upplýsingum

Björgvin G. Sigurðsson, fyrrverandi viðskiptaráðherra, segist alls ekki hafa fengið minni upplýsingar en aðrir um starf samráðshóps um fjármálastöðugleika. Sigríður Friðjónsdóttir saksóknari sagði að upp hefðu komið ásakanir um að hann hefði verið lausmáll og spurði hvort það gæti hafa orsakað að hann hefði fengið minni upplýsingar en aðrir ráðherrar um starf hópsins.

Segir starf samráðshópsins hafa verið markvisst

Drög að frumvarpi um neyðarlög voru kynnt í viðskiptaráðuneytinu 9. maí 2008, sagði Björgvin. G. Sigurðsson viðskiptaráðherra fyrir Landsdómi í dag. Frumvarpið var undirbúið fyrir tilstuðlan samráðshóps um fjármálastöðugleika.

Davíð segist hafa fengið áhyggjur löngu fyrir fall bankanna

Davíð Oddsson, fyrrverandi seðlabankastjóri, segist hafa haft áhyggjur af stöðu bankanna löngu áður en komið var fram á árið 2008. Ekki hafi allir verið sammála honum í fyrstu. Hann sagði að það sem hefði meðal annars valdið áhyggjum hans hafi verið hvernig fyrirtæki hafi verið keypt upp á ógnarhraða, fyrirtæki rekin ár eftir ár án þess að nokkur sýnilegur hagnaður væri af starfsemi þeirra og of mikið gert úr viðskiptavild þegar eignarstaða fyrirtækja var bókfærð.

Mest lesið


Fleiri fréttir

Sjá meira


×

Mest lesið