Gunnar: Mjög líklegt að ég fari í stærri keppnir

Gunnar Nelson segir töluverðar líkur á því að hann reyni að taka þátt í sterkari mótum. Þetta kom fram í viðtali við hann í kvöldfréttum á Stöð 2 þar sem sýnt var frá bardaga hans í gærkvöld.

Gunnar mætti Alexander Butenko í Cage Contender-keppninni í Dublin á Írlandi í gær. Gunnar lagði Úkraínumanninn af velli strax í fyrstu lotu.

„Ég er að horfa fram á við líka þótt ég reyni að einbeita mér að því sem er fyrir framan mig. Mér finnst mjög líklegt að ég fari að stíga upp í stærri keppnir. Það verður að sjá til með samningamál en það er töluvert líklegt," sagði Gunnar í viðtali við Pál Bergmann.

Í myndbrotinu hér að ofan má sjá hvernig Gunnar fór að því að sigra Úkraínumanninn.