Pressa á Rögnu að vinna mótið í Wales

Badmintonkonan Ragna Ingólfsdóttir tekur þátt í alþjóðlega welska mótinu í badminton um helgina en hún er að reyna að safna sér stigum til þess að komast upp heimslistann og inn á Ólympíuleikana í London á næsta ári.

Rögnu er raðað númer eitt inn í einliðaleik kvenna í mótinu og er því sigurstranglegust.  Hún keppir fyrsta leik sin á morgun föstudag við keppanda sem mun koma upp úr forkeppninni sem fram fer í dag.  

Ragna er númer 66 á heimslistanum en nýr heimslisti kom út í dag.  Simone Prutch frá Austurríki er raðað númer tvö inn í mótið en hún er númer 75 á heimslistanum.