Guðmundur Guðmundsson landsliðsþjálfari hefur kallað á Ægi Hrafn Jónsson, línumann Fram, í landsliðshópinn í stað Einars Inga Hrafnssonar sem handarbrotnaði í gær.
Ægir Hrafn hefur ekki áður verið valinn í landsliðið en þessi stóri og stæðilegi leikmaður hefur leikið vel með Fram í vetur.
Hann spilaði með Gróttu á síðustu leiktíð en var þar áður hjá Val þar sem Óskar Bjarni Óskarsson aðstoðarlandsliðsþjálfari var við stjórnvölinn.
Ægir Hrafn valinn í stað Einars Inga
