Ólafur gerir þriggja ára samning við Hauka

Ólafur Jóhannesson hefur gert þriggja ára samning við Hauka um að taka við meistaraflokksliði félagsins. Ólafur hefur verið landsliðsþjálfari undanfarin fjögur ár en þar á undan þjálfaði hann FH í fimm ár. Þetta kom fram á blaðamannafundi nú rétt áðan.

Sigurbjörn Hreiðarsson, fyrrum leikmaður Vals, verður spilandi aðstoðarþjálfari Hauka en hann kvaddi Valsmenn á dögunum eftir farsælan feril á Hlíðarenda.

Jón Stefán Jónsson var einnig kynntur á fundinum sem nýr þjálfari kvennaliðs Hauka en líkt og karlarnir þá spila stelpurnar í b-deildinni næsta sumar.

Ólafur Jóhannesson hefur þjálfað áður Haukanna en hann stýrði liðinu í C-deildinni sumarið 1993. Haukar unnu þá 6 af 18 leikjum og enduðu í 6. sæti. Ólafur spilaði meira að segja einn leik með liðinu það sumar en hann lék einnig með Haukum í efstu deild 1979.

Haukar urðu í þriðja sæti í b-deildinni í sumar á eftir ÍA og Selfoss en Haukarnir féllu úr Pepsi-deildinni sumarið á undan þegar þeir voru undir stjórn Andra Marteinssonar.