Real Madrid ætlar að bjóða í Nani í sumar

Real Madrid er talsvert orðað við leikmenn í ensku úrvalsdeildinni þessa dagana. John Terry var orðaður við Real í gær og í dag er því haldið fram að Real sé á eftir Nani, vængmanni Man. Utd.

Hermt er að Real ætli sér að bjóða Man. Utd 25 milljónir punda fyrir Portúgalann í sumar.´

Nani og Cristiano Ronaldo eru miklir vinir og Nani hefur blómstrað hjá Man. Utd eftir að vinur hans fór til Real.

United greiddi Sporting Lisbon 22 milljónir punda fyrir Nani á sínum tíma en leikmaðurinn á 15 mánuði eftir af samningi sínum við félagið.