Aron markahæstur í sigri Kiel

Aron Pálmarsson lék vel með Kiel í kvöld og var markahæstur með sjö mörk í sigri liðsins gegn pólska liðinu Kielce í Meistaradeild Evrópu í handbolta.

Kiel vann öruggan sigur, 36-27, og tryggði liðið sér þar með efsta sætið í A-riðli Meistaradeildarinnar. Alfreð Gíslason þjálfar Kiel og er liðið komið áfram í 16-liða úrslit í Meistaradeildinni.

Dregið verður í 16-liða úrslit á morgun og mun Kiel mæta liði sem varð í fjórða sæti í einum af hinum þremur riðlunum í keppninni.