Eldgos seinkaði skákeinvíginu

Heimsmeistarinn Viswanathan Anand og Búlgarinn Veselin Topalov hefja einvígi um heimsmeistaratitilinn í skák í dag.

Einvígið átti að hefjast í gær en vegna eldgossins í Eyjafjallajökli var því frestað um einn dag. Anand var staddur í Frankfurt þegar flugi var aflýst og þurfti að ferðast 2.000 kílómetra í bíl til Sofíu, höfuðborgar Búlgaríu, þar sem einvígið er haldið. Hann fór fram á að einvíginu yrði seinkað um þrjá daga en einn dagur var niðurstaðan.

Topalov er með hvítt í fyrstu skákinni en tólf skákir verða tefldar. - pal