Nadal í úrslitin - Grátlegt fyrir Federer

Rafael Nadal mætir Robin Soderling í úrslitaleiknum á opna franska meistaramótinu í tennis. Nadal vann Austurríkismanninn Jurgen Melzer í dag en úrslitaleikurinn fer fram á sunnudaginn.

Nadal getur tekið efsta sæti heimslistans af Roger Federer með sigri. Svisslendingurinn Federer datt út á mótinu en hann á aðeins eina viku eftir í topp sæti listans til að jafna met Pete Sampras sem var í 286 vikur í efsta sætinu. Tvær vikur enn og hann væri methafi en 286 vikur eru rúm fimm ár.

Nadal hefur ekki tapað setti ennþá og er talinn mun sigurstranglegri gegn Svíanum Söderling.