Háspenna í handboltanum í kvöld

Það er mikil spenna fyrir leikjum kvöldsins í N1-deild karla en þá verður næstsíðasta umferðin í deildinni leikin.

Hart er barist bæði á toppi og botni. Fjögur liða berjast um þrjú sæti í úrslitakeppninni á meðan þrjú lið eru í harðri botnbaráttu.

Grótta og Fram mætast í sérlega áhugaverðum fallslag en Grótta getur tryggt sæti sitt í deildinni með sigri á Fram í kvöld.

Leikir kvöldsins sem allir hefjast klukkan 19.30.

Akureyri-HK

FH-Valur

Grótta-Fram

Haukar-Stjarnan

Stöðuna í deildinni má svo sjá á handboltahluta Vísis.