Stutt endurkoma hjá Favre

Aðeins fjórum dögum eftir að Brett Favre mætti á sína fyrstu æfingu hjá Minnesota Vikings var hann mættur út á völlinn með liðinu í æfingaleik gegn San Francisco 49ers.

Þessi endurkoma Favre á völlinn var afar stutt eða ein fjögur leikkerfi réttara sagt.

Hann kláraði eina sendingu í þessum fjórum kerfum en var síðan skellt harkalega af varnarmönnum 49ers. Þá var hann tekinn af velli og snéri ekki aftur á völlinn.

Favre bar sig samt vel eftir leikinn og sagði það vera frábært að komast aftur út á völlinn þó svo það hefði verið stutt.