Roethlisberger verður ekki kærður fyrir nauðgun

Heimildir ESPN herma að Ben Roethlisberger, leikstjórnandi Pittsburgh Steelers, verði ekki kærður fyrir nauðgun sem hann var sakaður um á dögunum.

ESPN segir að óvissa hafi verið með of marga hluti og því geti saksóknaraembættið ekki kært.

Málið hefur verið í rannsókn síðustu vikur og sú rannsókn hefur leitt í ljós að ekki séu nægar sannanir gegn Big Ben.

Það var tvítugur háskólanemi sem ásakaði leikmanninn um nauðgun en atvikið átti að hafa átt sér stað þann 5. mars síðastliðinn. Þetta var í annað sinn á innan við ári sem Roethlisberger var sakaður um slíkt hátterni.

Málið hefur tekið sinn toll hjá leikstjórnandanum sem mætti ekki til æfinga hjá Steelers í síðasta mánuði.