Logi hættur með KR-liðið - Rúnar tekur við

Logi Ólafsson hefur stýrt sínum síðasta leik með KR en þetta var ljóst eftir fundi hans og stjórnar knattspyrnudeildar KR. Rúnar Kristinsson mun taka við liðinu og Pétur Pétursson verður áfram aðstoðarþjálfari. Þetta kom fyrst fram á fótbolta.net.

KR gerði 3-3 jafntefli við Hauka í Pepsi-deild karla í gær eftir að hafa lent 1-3 undir í leiknum og er í 9. sæti deildarinnar með 13 stig eftir 11 leiki. KR-ingar eru þó komnir alla leið í undanúrslit bikarsins.

Logi hefur þjálfað KR-liðið síðan að hann tók við af Teiti Þórðarsyni um mitt sumar 2007. Undir hans stjórn varð liðið bikarmeistari 2008.