Fatnaður Venus Williams vakti meiri athygli en sigurinn

Fatnaðurinn sem Venus Williams klæddist í leik sínum á opna franska meistaramótinu í tennis í dag vakti mikla athygli. Enn meiri athygli en góður leikur hennar gegn Parra Santonja frá Spáni.

Venus vann leikinn 6-2 og 6-4 og er komin í þriðju umferð mótsins.

Klæðnaður hennar minnti frekar á æsandi undirfatnað en tennisklæðnað. "Þetta hefur ekkert með rassinn minn að gera. Það vill bara þannig til að ég er með mjög flottan rass! Þetta er allt í genunum," sagði glettin Venus en í nánast hvert skipti sem hún sló boltann lyftist "kjóllinn" hennar vel upp.

Er það mat tennissérfræðinga ytra að þeir hafa ekki haft jafn gaman af nokkrum tennisleik í ár eins og þessum.