Þjálfari Þjóðverja: Erum í stórhættulegum riðli

Þýska handboltalandsliðið er í erfiðasta riðlinum á Evrópumótinu í Austurríki á næsta ári samkvæmt þjálfar liðsins. Þjóðverjar mæta Svíum, Pólverjum og Slóvenum í C-riðli.

"Við erum klárlega í erfiðasta riðlinum í keppninni. Þetta er stórkostleg áskorun fyrir liðið. Eftir þetta getum við séð hvar við stöndum og hvar við erum. Þetta verður opinn riðill. Hann er stórhættulegur," sagði Heiner Brand, þjálfari liðsins.

Riðlarnir á EM í Austurríki:

A-riðill (Graz):

Króatía

Rússland

Noregur

Úkraína

B-riðill (Linz):

Danmörk

Ísland

Austurríki

Serbía

C-riðill (Innsbrück):

Þýskaland

Svíþjóð

Pólland

Slóvenía

D-riðill (Wiener Neustadt):

Frakkland

Spánn

Ungverjaland

Tékkland