Óvæntur sigur Noregs á Svíþjóð

Það verður Noregur sem mætir Evrópumeisturum Þjóðverja í lokakeppni Evrópumóts kvenna í Finnlandi eftir sigur á grönnum sínum Svíum í dag. Norska liðið þótti koma mikið á óvart með sigrinum en bæði Noregur og Þýskaland léku með Íslandi í riðlakeppninni.

Þýskaland vann leikinn í riðlakeppninni 4-0. Í hinum undanúrslitaleiknum mætast England og Holland.

Norðmenn komust í 2-0 í fyrri hálfleik gegn Svíum og svo í 3-0 áður en Svíar minnkuðu muninn í 3-1.

Undanúrslitin verða leikin á sunnudag og mánudag.