James tryggði Cleveland sigur með flautukörfu

Fjöldi leikja var á dagskrá í NBA deildinni í körfubolta í nótt. LeBron James var hetja Cleveland þegar hann skoraði sigurkröfu liðsins um leið og lokaflautið gall í 106-105 útisigri á Golden State.

James skoraði 32 stig fyrir Cleveland í leiknum, hirti 9 fráköst og gaf 8 stoðsendingar en liðið hefur unnið 33 leiki og tapað aðeins átta. Stephen Jackson skoraði 24 stig fyrir Golden State í leiknum.

Dallas burstaði Detroit á útivelli 112-91 þar sem Dirk Nowitzki skoraði 26 stig fyrir Dallas en Rip Hamilton 17 fyrir Detroit.

Óvænt úrslit urðu í Charlotte þar sem heimamenn tóku Phoenix í kennslustund 98-76. Shaquille O´Neal var eini maðurinn í liði Phoenix sem var með meðvitund og skoraði 20 stig. Gerald Wallace skoraði 28 stig og hitti 11 af 13 skotum sínum hjá Charlotte og fyrrum Phoenix maðurinn Boris Diaw var með 26 stig og 11 fráköst.

Indiana lagði Houston á heimavelli 107-102 þar sem Houston missti enn einn manninn í meiðsli. Yao Ming þurfti að fara af velli með aumt hné og bættist í hóp Tracy McGrady og Ron Artest á meiðslalistanum.

New Orleans tapaði nokkuð óvænt fyrir Minnesota 116-108, San Antonio marði New Jersey 94-91 og Toronto endurheimti Jose Calderon úr meiðslum og burstaði Chicago á útivelli 114-94.

Úrslitin í nótt:

Indiana Pacers 107-102 Houston Rockets

________________________________________

Charlotte Bobcats 98-76 Phoenix Suns

________________________________________

LA Clippers 107-104 Oklahoma City

________________________________________

Minnesota Timberwolves 116-108 New Orleans Hornets

________________________________________

Atlanta Hawks 117-87 Milwaukee Bucks

________________________________________

San Antonio Spurs 94-91 New Jersey Nets

________________________________________

Chicago Bulls 94-114 Toronto Raptors

________________________________________

New York Knicks 108-88 Memphis Grizzlies

________________________________________

Detroit Pistons 91-112 Dallas Mavericks

________________________________________

Golden State Warriors 105-106 Cleveland Cavaliers