Aron Kristjánsson, þjálfari Hauka, fór með alla sína leikmenn beint inn í klefa eftir leikinn á Hlíðarenda í kvöld. Þar var meðal annars brýnt fyrir leikmönnum liðsins að það væri bannað að ræða frammistöðu þeirra Antons Gylfa Pálssonar og Hlyns Leifssonar dómara sem Haukar voru augljóslega ekki ánægðir með í kvöld.
Þegar leikmenn loksins komu út fylgdu aðstoðarmenn Arons með og þeir minntu alla þá leikmenn liðsins sem fóru í viðtöl á að ræða ekki frammistöðu dómaranna.
Sjálfir ræddu þeir mikið sín í milli dómgæsluna og er óhætt að segja að þeir hafi verið verulega ósáttir við dómarapar kvöldsins.
Sjálfur fór Aron inn í búningsklefa dómaranna eftir leikinn og ræddi við þá nokkra stund.
Hann staðfesti við Vísi að hann hefði ekki verið að bjóða Antoni og Hlyn í afmælið sitt enda væri langt í það.
