Stjarnan og FH í bikarúrslitin

Stjarnan og FH tryggðu sér í dag sæti í úrslitum Eimskipsbikarkeppni kvenna.

Stjarnan vann sex marka sigur á Hauka sem tróna á toppi N1-deildar kvenna þessa stundina á útivelli, 30-24.

Þá vann FH öruggan fimmtán marka sigur á KA/Þór, 36-21, á Akureyri.

Stjarnan var með þriggja marka forystu í hálfleik, 11-8. Alina Petrache var markahæst í Stjörnunni með tíu mörk, Þorgerður Atladóttir skoraði fimm og Kristín Clausen fjögur.

Hjá Haukum var Nína Kristín Björnsdóttir markahæst með átta mörk. Erna Þráinsdóttir skoraði fimm og þær Nína Arnfinnsdóttir og Hanna G. Stefánsdóttir fjögur hvor.